ნიკო კვარაცხელია

დაამთავრა ა. ს. პუშკინის სახელობის თბილისის სახელმწიფო პედაგოგიური ინსტიტუტი ისტორიის მასწავლებლის კვალიფიკაციით 1973 წელს; ი. ჭავჭავაძის სახელობის თბილისის უცხო ენეთა სახელმწიფო ინსტიტუტი გერმანული ენის სპეციალისტის კვალიფიკაციით 1991 წელს; ნ. მ. შვერნიკის სახელობის მოსკოვის პროფმოძრაობის უმაღლესი სკოლის ასპირანტურა 1990 წელს.

1974-1992წწ. მუშაობდა თბილისის საექსკურსიო-სამოგზაურო ბიუროში ექსკურსიამძღოლად, მეთოდური განყოფილების გამგედ; 1992-1999წწ. საქართველოს ტურიზმისა და კურორტების სახელმწიფო დეპარტამენტის მარკეტინგის, რეკლამის, ინფორმაციისა და საზოგადოებასთან კავშირების სამმართველოს უფროსად; 1999-2010წწ. თბილისის ეკონომიკურ ურთიერთობათა სახელმწიფო უნივერსიტეტის ტურიზმის ბიზნესის კათედრის გამგედ; 2010 წლიდან მოღვაწეობს საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში; მონაწილეა არაერთი ადგილობრივი და საერთაშორისო სამეცნიერო კონფერენციის, საგრანტო პროექტისა და ტრენინგებისა; მისი სამეცნიერო პუბლიკაციები იბეჭდება ადგილობრივ და საერთაშორისო სამეცნიერო ჟურნალებში. საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ბიზნესის, კომპიუტინგისა და სოციალურ მეცნიერებათა სკოლის პროფესორი, ისტორიის დოქტორი, ტურიზმის მიმართულების ხელმძღვანელი. 3 მონოგრაფიისა და 43 პუბლიკაციის ავტორი.

სადისერტაციო თემა - "შრომისა და უმუშევრობის საკითხები საქართველოში ახალი ეკონომიკური პოლიტიკის წლებში (1921-1925)", დაიცვა 1990 წელს.

წყარო: სსიპ – საქართველოს ტურიზმის ეროვნული ადმინისტრაცია: gnta.ge

• 2007 - ტურიზმის დარგის დამსახურებული მუშკი
• 2002 - ღირსების მედალი