ვალერი სადილიანი

დაბადების ადგილი: სოფელი კინდღი, ოჩამჩირის რაიონი.

აფხაზეთის საომარი მოქმედებების დაწყებისთანავე, 1992 წლის სექტემბრიდან ვალერი სადილიანი ირიცხებოდა  საქართველოს რესპუბლიკის  ეროვნული გვარდიის მე-3 ბრიგადის მე-4 ბატალიონში, რომელიც შემდეგ გადაკეთდა  საქართველოს რესპუბლიკის თავდაცვის სამინისტროს მე-2 საარმიო კორპუსის 24-ე მექანიზირებული ბრიგადის 240-ე  ბატალიონად. ის იყო ტანკსაწინააღმდეგო ოცეულის ოპერატორი, მოგვიანებით ვალერი სადილიანი ტანკსაწინააღმდეგო  ოცეულის მეთაურის მოადგილედ დაინიშნა, ასევე იყო ეკიპაჟ "მეხის" მეთაური. მონაწილეობდა ყველა იმ საბრძოლო  ოპერაციაში, რომელიც უწარმოებია ტანკსაწინააღმდეგო ოცეულს. იყო  საუკეთესო  ტანკისტი. დაიღუპა  1993 წლის 20 სექტემბერს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.366; mematiane.ge

• მედალი "მხედრული მამაცობისთვის" (გარდაცვალების შემდეგ)