გიორგი ნადარეიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი. 

პირველი კურსის დახურვის შემდგომ, სავალდებულო სამხედრო სამსახურში გაიწვიეს. უნივერსიტეტის დამთავრების შემდეგ მსახურობდა საქართველოს შინაგანი ჯარის სპეციალური დანიშნულების ნაწილში, მერე ვაზიანში, მეოთხე ბრიგადაში. უფროსი ლეიტენანტი გიორგი ნადარეიშვილი 2008 წლის გაზაფხულიდან მეოთხე ბრიგადის 42-ე ბატალიონის იურისტად მუშაობდა, როგორც მისი თანამებრძოლები ყვებიან, მას ცხინვალში ყოფნისას, ხელყუმბარა ესროლეს. დაიჭრა, თუმცა მაინც აგრძელებდა ბრძოლას. ამის შემდეგ, გიორგის სიახლოვეს რპგ-7-ის ჭურვი აფეთქებულა, აფეთქების ტალღისგან გიორგი ხევში გადავარდნილა, დაბომბვაში მოყვა და დაიღუპა. თბილისში არის გიორგი ნადარეიშვილის სახელობის ქუჩა. უფროსი ლეიტენანტი. 

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010.-გვ.115-116

• 2008 - ვახტანგ გორგასლის I ხარისხის ორდენი, (გარდაცვალების შემდეგ)