მალხაზ რაზმაძე

დაამთავრა საქართველოს პოლიტექნიკური ინსტიტუტის ქიმიის ფაკულტეტი, მინისა და სიტალების ტექნოლოგიის სპეციალობით 1981 წელს; ლენინგრადის ტექნოლოგიური ინსტიტუტის ასპირანტურა 1988 წელს.

1981-2023წწ. საქართველოს პოლიტექნიკური ინსტიტუტი (შემდგომში საქართველოს ტექნიკური უნივერსიტეტი), ფიზიკური და კოლოიდური ქიმიის კათედრა, ასოცირებული პროფესორი; 2004-2023წწ. თსუ, ანდრონიკაშვილის ფიზიკის ინსტიტუტი, ბირთვული ფიზიკის დეპარტამენტი, მეცნიერ თანამშრომელი; მისი სამეცნიერო ინტერესების სფეროა ელექტროკინეტიკური მოვლენების შესწავლა კოლოიდურ ქიმიაში, ახალი მაღალტემპერატურული, არაორგანული მყარი სხეულების სინთეზი, მათი ფიზიკო-ქიმიური შესწავლა, მიღებული შედეგების კომპიუტერული დამუშავების მეთოდების გამოყენება, ახალი შედგენილობების მინანქრის სისტემების სინთეზი და მათი ფიზიკო-ქიმიური კვლევა-ძიება, რეაქტორთა ბირთვული ფიზიკა. მრავალი სამეცნიერო ნაშრომის ავტორი და თანაავტორი. აკადემიური დოქტორი (1988), პროფესორი (2004).

წყარო: საქართველოს ტექნიკური უნივერსიტეტის ვებგვერდი: my.gtu.ge

• "ქიმია-მიღწევები და პერსპექტივები" : კადემიკოს გივი ცინცაძის დაბადებიდან 90 წლისადმი მიძღვნილი საერთაშორისო - სამეცნიერო კონფერენციის შრომების კრებული (თანაავტორი). - თბილისი, ტექ. უნ-ტი, 2023. - 632გვ.. - ISBN: 9789941289705