
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

სერგო ნადიმაშვილი

Date of birth:	28 October, 1917
Date of death:	22 November, 2009 (at 92 years)
Category:	Archaeologist, Historian, Scientist

Biography

დაბადების ადგილი: სოფელი ტყვიავი, გორის მუნიციპალიტეტი.

სწავლობდა ამიერკავკასიის ჰიდროგეოდეზიურ ტექნიკუმში და გორის პედაგოგიურ ინსტიტუტში, რომლის დამთავრების შემდეგ სწავლა განაგრძო თბილისის სახელმწიფო უნივერსიტეტში ისტორიული ფაკულტეტის არქეოლოგიური განყოფილებაზე.

სწავლის პარალელურად მუშაობდა ს. ჯანაშიას სახელობის საქართველოს სახელმწიფო მუზეუმში მეცნიერ-მუშაკად არქეოლოგიის დარგში და პროფესორ ბორის კუფტინის არქეოლოგიურ ექსპედიციაში. 1935 წლიდან 14 წლის განმავლობაში მუშაობდა გორის მხარეთმცოდნეობის (შემდგომში გორის სახელმწიფო ისტორიულ-ეთნოგრაფიული) მუზეუმში მეცნიერ-მუშაკად არქეოლოგიის დარგში, 1952 წლიდან 2003 წლამდე იყო ამ მუზეუმის დირექტორი, 2001-2002 წლებში კი მუზეუმის არქეოლოგიური სექტორის გამგე. ივანე ჯავახიშვილის რეკომენდაციით 1936 წელს სერგო ნადიმაშვილი ჩაირიცხა ლეგენდარული თრიალეთის არქეოლოგიურ ექსპედიციაში. აკადემიკოს ივანე ჯავახიშვილის რეკომენდაციით გორის ციხეზე ჩაატარა არქეოლოგიური გათხრები, სადაც ფეოდალური ძეგლების პარალელურად აღმოაჩინა ანტიკური პერიოდის ნაშთები, ხოლო 1940 წელს პროფესორ სერგი მაკალათიასთან ერთად პირველი არქეოლოგიური გათხრები ჩაატარა სოფელ ტყვიავში. სერგო ნადიმაშვილის სახელს უკავშირდება არაერთი არქეოლოგიური ექსპედიციის წარმატებული მუშაობა და უამრავი ძვირფასი მასალის აღმოჩენა საქართველოსა და კავკასიის უძველესი ისტორიის შესასწავლად: ტყვიავის ყორღანული სამარხები, ფრონეს ხეობა, დვანი, ურბნისი - "ხიზანაანთ გორა", ტირიფონის ველი, ატენის ხეობა და მრავალი სხვ. მან ერთ-ერთმა პირველმა დაიწყო ჩვენს წელთაღრიცხვამდე მე-3 ათასწლეულის ძეგლის "გუდაბერტყას" შესწავლა. სერგო ნადიმაშვილს დიდი ღვაწლი მიუძღვის საქართველოს კულტურული მემკვიდრეობის შესწავლის, წარმოჩენისა და დაცვის საქმეში. მიღებული აქვს საპატიო მედლები და სიგელები.

წყარო: საინფორმაციო პორტალი "აღმოაჩინე გორი": gorimaps.ge; არქეოლოგია : სამეცნიერო-კვლევითი ჟურნალი / აკადემიკოს ანდრია აფაქიძის სახელობის არქეოლოგიის ინსტიტუტი.-თბილისი, 2018.-N 1.-გვ.174-178

Awards and Honors

1968 - საქართველოს კულტურის დამსახურებული მოღვაწე
შრომის ვეტერანი

Bibliography

ქართლის არქეოლოგიური ძეგლები : მოხსენებების კრებული (Author). - თბილისი, 2016. - 80გვ.