უჩა ხარძიანი

დაბადების ადგილი: სოფელი კალა, მესტიის რაიონი.

დაამთავრა მესტიის პედაგოგიური სასწავლებელი 1948 წელს; ქუთაისის პედაგოგიური ინსტიტუტის ისტორიის ფაკულტეტი.

მუშობა დაიწყო კალის რვაწლიან სკოლაში პედაგოგად; 1952 წელს აირჩიეს საქართველოს ალკკ მესტიის რაიკომის მეორე მდივნად; 1958 წელს იგი გადაიყვანეს მესტიის რაიკომში ჯერ ინსტრუქტორად, ხოლო შემდეგ პროპაგანდისა და აგიტაციის განყოფილების გამგედ; 1960 წელს აირჩიეს მშობლიურ სოფელ კალაში კოლმეურნეობის თავმჯდომარედ; 1967 წელს გადავიდა მუდმივ საცხოვრებლად და სამუშაოდ გარდაბნის რაიონში და მუშაობა დაიწყო პარტიის რაიკომში; 1970 წელს გადაიყვანეს სოფელ მზიანეთში საშუალო სკოლის დირექტორად. მისი ინიციატივით და უშალო ხელმძღვანელობით აშენდა მზიანეთის საშუალო სკოლა. 1981 წელს გადაიყვანეს გარდაბნის რაიონის განათლების განყოფილების გამგედ; 1983 წელს დანიშნეს გარდაბნის რაიონული კულტურის განყოფილების გამგედ. მისი ინიციატივით და უშუალო ხელმძღვანელობით ქალაქ გარდაბანში აშენდა და გაიხსნა ქართული საშუალო სკოლა. მიღებული ქონდა სახელმწიფო ჯილდოები.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.455

• 2003 - საპატიო ნიშნის ორდენი
• ღირსების ორდენი
  განათლების სისტემაში ხანგრძლივი და ნაყოფიერი მუშაობისთვის