რომან უშვერიძე

დაბადების ადგილი: ლანჩხუთის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1956 წელს.

მუშაობდა ტყვარჩელსრესში, რიონჰესში, შაორჰესში რიგითი ინჟინრიდან საწარმოს უფროსის თანამდებობამდე. 1962 წელს მუშაობდა "საქმთავარენერგოს" ქუთაისის ელექტროქსელში სხვადასხვა თანამდებობებზე. ეწეოდა პედაგოგიურ და სამეცნიერო საქმიანობას ქ. ქუთაისის სახელმწიფო პოლიტექნიკურ ინსტიტუტში. 1980 წლიდან - "საქმთავარენერგოს" ქუთაისის ელექტროქსელის გენერალური დირექტორი; 1983 წლიდან - "საქმთავარენერგოს" ენერგოგასაღებისა და ზედამხედველობის საწარმოს დირექტორი, კოლეგიის წევრი; 1992-1993წწ. - საქართველოს სათბობ-ენერგეტიკის მინისტრის მრჩეველი; 1994 წლიდან - დეპარტამენტ "საქენერგოს" თავმჯდომარის მოადგილე ეკონომიკის დარგში; 1998-2004წწ. - საქართველოს ელექტროენერგეტიკის მარეგულირებელ ეროვნული კომისიაში აპარატის აღმასრულებელი დირექტორი. იყო სამთავრობო კომისიების წევრი ენერგეტიკის საკითხებში; მონაწილეობდა მრავალ საკავშირო და საერთაშორისო სიმპოზიუმებში; იყო არაერთი ნოვაციისა და რაციონალიზატორული წინადადების ავტორი, რომელთა უმრავლესობა წარმოებაში დაინერგა.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.321-322