მამუკა პაპუაშვილი

დაბადების ადგილი: ქ. ხაშური.

დაამთავრა საქართველოს ტექნიკური უნივერსიტეტი სპეციალობით "სამრეწველო საწარმოთა, ქალაქებისა და სოფლის მეურნეობის ელექტრომომარაგება", ინჟინერ-ელექტრიკოსის კვალიფიკაციით, 1999 წელს.

1995-1996წწ. - მუნიციპალური საწარმო "თელასი" ინჟინერი; 1996-2000წწ. - შპს "ენერგოგაწყობა", სარელეო დაცვისა და ავტომატიზაციის ჯგუფის მთავარი სპეციალისტი; 2000-2002წწ. - შპს "გამონი", მეორადი ძაბვის სამუშაოების ჩატარებაზე პასუხისმგებელი პირი, შემდეგ, შპს "ელექტრა", სს "ელექტროგადაცემა", სარელეო დაცვის მთავარი სპეციალისტი; 2002 წლიდან - "საქართველოს სახელმწიფო ელექტროსისტემა", სარელეო დაცვის მთავარი სპეციალისტი; 2002-2003წწ. - "აზერენერჯი", სიმენსის მიერ შესასრულებელი სამუშაოებიდან მეორადი ძაბვის სამუშაოების ჩატარებაზე პასუხისმგებელი პირი; 2003-2004წწ. - PA Consulting-ში შპს "საქართველოს სადისტრიბუციო ენერგოკომპანიის" ქვემო ქართლის, შემდეგ, ქვემოქართლისა და იმერეთის რეგიონალურ-ტექნიკური მენეჯერი; 2004-2007წწ. - შპს "საქართველოს სადისტრიბუციო ენერგოკომპანიის" ტექნიკური დეპარტამენტის ხელმძღვანელი; 2007-2009წწ. - "ენერგო-პრო ჯორჯიას" ენერგოდისტრიბუციის დეპარტამენტის უფროსი; 2009-2010წწ. - შპს "საქართველოს სახელმწიფო ელექტროსისტემის" სენაკი-ფოთის ელექტროგადაცემის ხაზის პროექტის მენეჯერი; 2010 წლიდან - შპს "საქართველოს სახელმწიფო ელექტროსისტემის" მმართველთა საბჭოს წევრი, დირექტორი ტექნიკურ საკითხებში. მიღებული აქვს ჯილდოები, მათ შორის 2006 წელს ბრიტანეთში დაფუძნებული მენეჯმენტის საკონსულტაციო ასოციაციის ჯილდო საუკეთესო ინტერნაციონალური პროექტისთვის.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.281-282