სოფიო ვახვახიშვილი-ჯავახიშვილი

დაიბადა სახელგანთქმული მოსამართლის, ათანასე ვახვახიშვილის ოჯახში. რვა წლის ასაკში შეიყვანეს თელავის წმინდა ნინოს სასწავლებელში, მას სწავლა ამ სასწავლებლის მოსწავლეთა პირველ შემადგენლობაში მოუწია; 1864 წელს თელავის სამაზრო სასწავლებელში მასწავლებლად დანიშნეს 19 წლის თავადი ალექსანდრე ჯავახიშვილი (1844-1912). მოგვიანებით მან ცოლად შეირთო სოფიო ვახვახიშვილი. თანამედროვეთა დახასიათებით, იგი ყოფილა ლამაზი, თავმდაბალი, ნაზი, დარბაისელი, ჭკვიანი, გონიერი, დიდი ნებისყოფის ადამიანი, თავისი შვილების მესაჭე და ამავე დროს მეგობარი. დიდი ქართველი მეცნიერისა და საზოგადო მოღვაწის ივანე ჯავახიშვილის დედა.

წყარო: ქალთა განათლების კერები თელავში / მარინე გოგბაიძე, გიორგი ჯავახიშვილი.- თბ., 2020.-გვ.55