ეთერ მჭედლიანი

დაბადების ადგილი: ქ. მესტია.

დაამთავრა თბილისის სახელმწიფო უნივერსიტეტის ისტორიის ფაკულტეტი.

სკოლის დამთავრების შემდეგ მუშაობა დაიწყო მშობლიურ სკოლაში პიონერ ხელმძღვანელად, შემდეგ გადაიყვანეს მესტიის კომკავშირის რაიკომში სასკოლო განყოფილების გამგის თანამდებობაზე. მისი სიყვარული ლიტერატურისა და ისტორიისადმი, რომელიც მამამ შეაყვარა შეუმჩნეველი არ დარჩენილა რაიონული ხელმძღვანელობისათვის და იგი მალე სამუშაოდ გადაიყვანეს რაიონული გაზეთის რედაქციაში. შემდეგ მუშაობა განაგრძო მესტიის მხარეთმცოდნეობის მუზეუმში, 1966 წელს დაინიშნა რაიონული გაზეთის პასუხისმგებელ მდივნად. ამ პერიოდიდან დაიწყო მისი ლიტერატურული და პუბლიცისტური მუშაობის ახალი ეტაპი. 2003-2004წწ. უშვებდა საკუთარ, დამოუკიდებელ გაზეთს "ლალხორს", რომელიც დიდი პოპულარობით სარგებლობდა რაიონის მოსახლეობაში. აქტიურად მონაწილეობდა ზვიად გამსახურდიასა და მერაბ კოსტავას მიერ შექმნილ ეროვნულ მოძრაობაში. წერს ლექსებს, ლიტერატურულ-მხატვრულ ნაწარმოებებს და მუშაობს სვანური ტოპონიმების შესწავლაზე.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.263

• საქართველოს დამსახურებული ჟურნალისტი