ალექსანდრე იმნაიშვილი

დაბადების ადგილი: ქ. ზუგდიდი.

დაამთავრა თბილისის რკინიგზის ტრანსპორტის ინჟინერთა ინსტიტუტი ინჟინერ-მშენებლის კვალიფიკაციით1948 წელს.

1950-1956წწ. მსახურობდა საბჭოთა არმიის რიგებში; 1956 წლიდან იყო ტრესტ "კავკასელექტროქსელმშენის" უფროსი სამუშაოთა მწარმოებელი, შემდეგ N8 მექანიზებული კოლონის უფროსის მოადგილე; 1964 წლიდან - ტრესტ "კავკასელექტროქსელმშენის" მმართველის მოადგილე; 1981 წლიდან - იმავე ტრესტის მთავარი ინჟინერი. მისი ხელმძღვანელობით და უშუალო მონაწილეობით აშენდა მრავალი მაგისტრალური ხაზი და ქვესადგური, კავკასიის ენერგოსისტემების დამაკავშირებელი სისტემათაშორისო ელექტროგადამცემი ხაზები. დაჯილდოებულია საქართველოს, სომხეთისა და დაღესტნის ასსრ უმაღლესი საბჭოს პრეზიდიუმების საპატიო სიგელებით. მიღებული აქვს მრავალი მედალი და წარჩინების ნიშანი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.153

• 1980 - საქართველოს დამსახურებული ინჟინერი