სოსო ნადირაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

მისი ლიტერატურული მოღვაწეობა ახალგაზრდულ ასაკშივე დაიწყო, მისი ლექსები დიდი წარმატებით იბეჭდება საქართველოში და უცხოეთში. 1989 წელს მ. ღანიშაშვილთან ერთად გამოსცა პირველი პოეტური კრებული "ორი ნაპირი", 1992 წელს ლექსების კრებული "გამობრუნება". 2002 წელს ლექსების კრებული "ზამთრის მონოლოგი," სადაც დაიბეჭდა სამი პოემა "აბელი ძმაი კაენისა," "ვარსკვლავი და მოგვები" და "ჩვენს გულებში იწყები და სიყვარულში მთავრდები". 2003 წელს დაიბეჭდა მინი რომანი "ფქვილდაფქვილ სიარული". 2005 წელს ლექსების კრებული "ჩრდილში დარჩენილი ლექსები". 2008 წელს გამოიცა რომანი "ხაკისფერი ჩადრი". 2013 წელს ლექსების კრებული "ლექსი თეთრი ბილეთი". 2009 წელს გადაეცა საქართველოს პირველი ლედის, სანდრა რულოვსის პრემია კონკურსში "შოთაობა" გამარჯვებისათვის. 2012 წელს ლიტერატურული ჟურნალი "ჩვენი მწერლობა" მწერალს წლის პოეტად ასახელებს.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 237-238; საქართველოს სამეფო: georoyal.ge

• სამეფო კლუბი, დამსახურებული წევრი (2015-)

• ქარგაუხდელი ციხეები : პოეზია (ავტორი). - თბილისი, ლეთა, 2011. - 144გვ.. - ISBN: 9789941914744
• ზამთრის მონოლოგი : ლექსები, პოემები, რომანი (ავტორი). - თბილისი, 2008. - 208გვ.
• ხაკისფერი ჩადრი : რომანი (ავტორი). - თბილისი, ლეთა, 2007. - 240გვ.. - ISBN: 9789994074310