ნიკოლოზ კეცხოველი

დაბადების ადგილი: სოფელი ტყვიავი, გორის რაიონი.

დაამთავრა გორის სასულიერო სემინარია.

მუშაობდა სოფელ ტყვიავში მასწავლებლად, სადაც 1870-1880 წლებში დიდ საგანმანათლებლო მუშაობას აწარმოებდა; 1875-1885 წლებში მონაწილეობდა რევოლუციურ მოძრაობაში, როგორც ხალხოსანი, კავშირი ჰქონდა რუს ნაროდნიკებთან, ბოლოს თავისი ძმების (სანდრო, ლადო და ვანო კეცხოველები) გავლენით სოციალ-დემოკრატი გახდა, პოლიტიკური საქმიანობისთვის ხშირად აპატიმრებდნენ. პირველმა შემოიღო ქართლში საწარმოო მეხილეობა და ხილის ევროპული ჯიშების გავრცელება. მებაღე-ორგანიზატორი, ქართლში ევროპული მეხილეობის შემომტანი. ხალხოსანი. ზაქარია კეცხოველის შვილი და ნიკო კეცხოველის მამა.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.646

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1911-)