გიორგი ბადურაშვილი

დაბადების ადგილი: ახმეტის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1970 წელს. 

1971-1993წწ. იყო თბილისის საქვაბე-სატურბინო საამქროში მემანქანის თანაშემწე, ამავე საამქროს ცვლის უფროსი, თბოენერგო დანადგარების გაზომვებისა და საამქროს უფროსის მოადგილე, ცენტრალური სარემონტო საამქროს უფროსის მოადგილე, უფროსი, დირექტორის მოადგილე; 1993-1996წწ. დეპარტამენტ "საქენერგოს" თავმჯდომარის მოადგილე; 1996-2008წწ. სახელმწიფო კომპანია "საქენერგოს" გენერაციის გენერალური დირექტორი. გამოქვეყნებული აქვს ნაშრომები და სტატიები. დანერგილი აქვს მრავალი რაციონალიზატორული წინადადრბა. კითხულობდა ლექციებს საქართველოს პოლიტექნიკურ ინსტიტუტში. ოთხი წლის განმავლობაში იყო თბოენერგეტიკსა და ჰიდროენერგეტიკის ფაკულტეტის სახელმწიფო საგამოცდო კომისიის თავმჯდომარე. არის მრავალი საერთაშორისო ფორუმისა და ღონისძიების მონაწილე. გაიარა აშშ განვითარების სააგენტოს სამწლიანი პროგრამით სტაჟირება ოკლაჰომაში, მოსკოვსა და თბილისში. 2006 წლიდან საქმიანობს კერძო სექტორში. ტექნიკის მეცნიერებათა კანდიდატი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 26

• საქართველოს მენერგეტიკის აკადემია, წევრი