ბესიკ პაპუნაიშვილი

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1980 წელს.

1981-1986წწ. მუშაობდა საქართველოს სასოფლო მშენებლობლის სამინისტროს №1 სამშენებლო ტრესტის სისტემაში სამუშაოთა მწარმოებლად; 1986-1990წწ. მუშაობდა საქართველოს სახელმწიფო აგროსამრეწველო კომიტეტის №4 სამშენებლო ტრესტ "საქაგრომრეწვმშენი"-ს №8 სამშენებლო სამმართველოს უფროსად; 1996-2000წწ. მუშაობდა სატრანსპორტო გადამზიდავ კომპანია "ტრანსტრეიდი"-ს დირექტორის მოადგილედ, ასევე არის მისი დამფუძნებელი; 2001-2006წწ. მუშაობდა შპს "ცენტრ-პოინტ ჯგუფში", ჯერ ტექზედამხედველად, შემდეგ სამშენებლო ობიექტის მენეჯერად; 2007-2010წწ. მუშაობდა სამშენებლო მასალების იმპორტიორ კომპანიაში "ქი-ჯეი-ბი" დირექტორის მოადგილედ. არის მისი თანადამფუძნებელი; 2010 წლიდან მუშაობს სამშენებლო კომპანია "ანაგის" ზონალური სამშენებლო წარმოების ხელმძღვანელად (მშენებლობის უფროსად); მისი უშუალო მონაწილეობითა და ხელმძღვანელობით, სამშენებლო კომპანია "ანაგში" მუშაობის პერიოდში, აშენდა ისეთი მნიშვნელოვანი ობიექტები, როგორებიცაა: სავაჭრო ცენტრი თვალჭრელიძის ქუჩაზე, საცხოვრებელი სახლები ვაჟა-ფშაველას გამზირზე და თამარაშვილის ქუჩაზე, საცხოვრებელი კომპლექსი გ. კარტოზიას ქუჩაზე, სავაჭრო კომპლექსი "გალერეა თბილისი" რუსთაველის გამზირზე, ქ. თბილისში და სხვა; ასევე მისი მონაწილეობითა და ხელმძღვანელობით საქართველოში აშენდა მრავალი სასოფლო-სამეურნეო სფეროს საწარმოო და ინფრასტრუქტურული დანიშნულების ობიექტები; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 217-218