ვაჟა ვაშაკიძე

დაბადების ადგილი: ქ. წყალტუბო.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1967 წელს.

1967 წელს მუშაობა დაიწყო საქართველოს მშენებლობის სამინისტროს ტრესტ "საქმშენინდუსტრიის" №3 რკინაბეტონის ნაკეთობათა ქარხანაში, საამქროს ოსტატად; 1969 წლიდან მუშაობდა საქართველოს სოფლის მეურნეობის სამინისტროს სამშენებლო-სარემონტო სამმართველოს სამუშაოთა მწარმოებლად; 1976 წელს დააწინაურეს სამმართველოს მთავარ ინჟინრად, ხოლო 1984 წლიდან იყო ამავე სამმართველოს უფროსი; 1992 წელს დანიშნულ იქნა საქართველოს სოფლის მეურნეობის სამინისტროს №1 სამშენებლო-სარემონტო ტრესტის მმართველად; 2012 წლიდან მუშაობს შპს "№5 კლინიკური საავადმყოფოს" მშენებლობა-რეკონსტრუქციის ხელმძღვანელად; მისი უშუალო მონაწილეობითა ხელმძღვანელობით აშენებულ და რეკონსტრუირებულ იქნა არაერთი მნიშვნელოვანი სასოფლო-სამეურნეო დანიშნულების მნიშვნელოვანი ობიექტი, მათ შორის: მეცხოველეობის კომპლექსი გარდაბნის რაიონში, საქართველოს სოფლის მეურნეობის სამინისტროს სამეცნიერო-კვლევითი ინსტიტუტის შენობა (რეკონსტრუქცია), თბილისის სახელმწიფო იპოდრომი ქ. თბილისში (რეკონსტრუქცია), ათობით საცხოვრებელი სახლი და სხვა; აქტიურად იყო ჩართული სტიქიით დაზარალებული მოსახლეობისათვის საცხოვრებელი სახლების მშენებლობაში (ჯანდარაში, ბოლნისში, გომბორში და უდაბნოში), ასევე მიწისძვრის შედეგად დაზიანებული საცხოვრებელი სახლებისა და შენობა-ნაგებობების გაძლიერება-აღდგენითი სამუშაოების შესრულებაში, რაჭისა და იმერეთის რეგიონებში; დაჯილდოებულია საუწყებო ჯილდოებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 121-122

• ღირსების ორდენი
  მრავალწლიანი შრომითი საქმიანობისა და დამსახურებისათვის