გიორგი შარვაშიძე

აფხაზეთის მთავარი 1810-1821 წლებში. ქეილაშ აჰმედ-ბეგის შვილი, მისი ძმის, ასლან-ბეის მიერ მამის მკვლელობისა და ტახტის მიტაცების დროს სამეგრელოს მთავართან იმყოფებოდა, რომლის დახმარებითაც ცდილობდა ტახტის დაბრუნებას, მაგრამ უშედეგოდ. 1809 წელს თხოვნით მიმართა რუსეთის ხელისუფლებას, რათა აფხაზეთი რუსეთის მფარველობაში მიეღოთ და მთავრად ის დაემტკიცებინათ. რუსეთ-ოსმალეთის ომის განახლების შემდეგ, 1810 წლის 17 თებერვალს, იმპერატორმა ალექსანდრე I-მა რუსეთის უმაღლესი ძალაუფლების აღიარებით და შინაგანი ავტონომიის ცნობით, გიორგი II შარვაშიძე - საფარ-ბეგი აფხაზეთის მთავრად დაამტკიცა. 1810 წლის ივნისში რუსეთის საზღვაო დესანტმა ხელში ჩაიგდო სოხუმის ციხე და იქედან ოსმალებთან ერთად ასლან ბეიც განდევნა. მიხეილ და დიმიტრი შარვაშიძეების მამა.

წყარო: ქართული საბჭოთა ენციკლოპედია: ტ. 10.- თბ., 1986.-გვ.689