ზურაბ ჭავჭავაძე

დაბადების ადგილი: ქ. პარიზი, საფრანგეთი.

დაამთავრა თბილისის სახელმწიფო უნივერსიტეტის დასავლეთევროპული ფილოლოგიის ფაკულტეტი 1969 წელს.

დაიბადა ემიგრირებულ ოჯახში; მამა იყო არმიის ოფიცერი თავადი მიხეილ ჭავჭავაძე; მეორე მსოფლიო ომის შემდეგ ოჯახი საბჭოთა კავშირში დაბრუნდა, თუმცა გადასახლებული იქნა ყაზახეთში, სადაც 1950 წლიდან იმყოფებოდა; 1969-1971წწ. იყო საქართველოს სამეცნიერო ინფორმაციების სამეცნიერო-კვლევითი ინსტიტუტის უფროსი მეცნიერ-თანამშრომელი;  1971-1989წწ. თბილისის სახელმწიფო უნივერსიტეტის სწავლების ახალი მეთოდების კათედრის უფროსი მასწავლებელი;  1990-1993წწ. იყო საბჭოთა (შემდეგში რუსეთ)-ბრიტანული გამომცემლობის "რიურიკის" თავმჯდომარე, 1990 წლიდან  რუსეთის ეროვნული კომერციული ბანკის პრეზიდენტის მრჩეველი; 1990 წლიდან იყო სრულიად რუსეთის თავადაზნაურობის საკრებულოს ერთ-ერთი ორგანიზატორი; 1995-1998წწ. არჩეული იყო უმაღლესი მონარქიული საბჭოს მმართველობის თავმჯდომარედ; რომანოვების ე.წ. კირილიჩების შტოს წარმომადგენელი რუსეთში. მონარქისტული მოძრაობის მონაწილე თანამედროვე რუსეთში.

წყარო: დიდი ბიოგრაფიული ენციკლოპედია (რუსული): dic.academic.ru; თავადი ჭავჭავაძეები : ისტ. ნარკვევი / იური ჩიქრვანი.-თბ.,2002: dspace.nplg.gov.ge