
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნესტორ მექვაბიშვილი

Date of birth:	15 September, 1900
Date of death:	1988 (at 87 years)
Category:	Public official, Scientist, Educator

Biography

დაბადების ადგილი: სოფელი ჯუმათი, ოზურგეთის მაზრა.

დაამთავრა სოფლის უმაღლეს-დაწყებითი სასწავლებელი 1915 წელს; სწავლა გააგრძელა ოზურგეთის სამასწავლებლო სემინარიაში, შემდეგ კი ლანჩხუთის ჰუმანიტარულ ტექნიკუმში, რომელიც დაამთავრა 1923 წელს; 1923 წელს სასწავლებლად გააგზავნეს თბილისის ცენტრალურ პედაგოგიურ ინსტიტუტში, რომელიც დაამთავრა 1927 წელს; პარალელურად სწავლობდა თბილისის სახელმწიფო უნივერსიტეტის სოციალურ-ეკონომიკურ ფაკულტეტზე, დაამთავრა 1928 წელს.

1923-1924წწ. კომკავშირის რაიკომის მდივანი; 1926-1928წწ. თბილისის ერთ-ერთი რაიონის რაიონული კომიტეტის ინსტრუქტორი; 1928 წელს სწავლის გასაგრძელებლად მიავლინეს მოსკოვში უმაღლესი კომუნისტური განათლების ინსტიტუტის ასპირანტურაში, სადაც დაიცვა საკანდიდატო დისერტაცია; 1929-1931წწ. იყო თბილისის 30-ე და მე-14 შრომის სკოლების დირექტორი; 1931 წელს დაინიშნა თბილისის ლენინის რაიონის რაიკომის კულტურის განყოფილების გამგედ; 1937 წლის 1 სექტემბერს დაინიშნა ქუთაისის სახელმწიფო პედაგოგიური ინსტიტუტის დირექტორად (რექტორად), საიდანაც ამავე წლის 10 ნოემბერს განთავისუფლდა; ქუთაისის სახელმწიფო პედაგოგიური ინსტიტუტში კითხულობდა ლექციებს პედაგოგიკის თეორიასა და ისტორიაში; იყო 30-ანი წლების რეპრესიების მსხერპლი; 1937 წელს დააპატიმრეს და 10 წლით იმყოფებოდა შრომა-გასწორების ბანაკში, მან თავი დამნაშავედ არ ცნო. ნ. მექვაბიშვილი წლების განმავლობაში ხელმძღვანელობდა სამხრეთ ოსეთის, ხოლო შემდეგ თბილისის პუშკინის სახელობის პედაგოგიური ინსტიტუტის პედაგოგიკის კათედრას. მას ეკუთვნის პედაგოგიკური ხასიათის რამდენიმე მონოგრაფია, 150-ზე მეტი სტატია და ნარკვევი, გამოქვეყნებული აქვს 80-მდე სამეცნიერო შრომა სხვადასხვა ჟურნალ-გაზეთებში; ჯერ კიდევ 30-ან წლებში გამოქვეყნდა მისი "მოსწავლეთა თვითმმართველობა სკოლაში"; ნაშრომში პირველად აშუქებდა მოსწავლეთა ორგანიზაციების მნიშვნელობას, მისი საქმიანობის შინაარსს, მიზნებს, ფორმებსა და მეთოდებს. წლების განმავლობაში იყო თბილისის პედაგოგიური ცოდნის სახალხო უნივერსიტეტის რექტორი. პედაგოკის მეცნიერებათა კანდიდატი, პედაგოგიურ მეცნიერებათა დოქტორი, პროფესორი.

სადოქტორო დისერტაციის თემა - "მოსწავლეთა სწავლების მწარმოებულ შრომასთან შეერთების საფუძვლები", დაიცვა 1963 წელს.

წყარო: აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University / იმერ ბასილაძე, ნესტან კუტივაძე.-ქუთაისი, 2013.-გვ.27-28

Member of Organizations

კომუნისტური პარტია, წევრი (1927-1937)

Bibliography

პედაგოგიკა : პედ. ინ-ტების პედ. ფაკულტეტის სტუდენტებისათვის (Co-Author). - თბილისი, განათლება, 1971. - 444გვ.
მოსწავლეთა სწავლების მწარმოებლურ შრომასთან შეერთების საფუძვლები (Author). - თბილისი, ცოდნა, 1963. - 186გვ.
პოლიტექნიკური სწავლების ამოცანები საშუალო სკოლაში (Author). - თბილისი, საქმთავარპოლიგრაფგამომც, 1956. - 32გვ.
მოწაფეთა თვითმართველობა ახალ ეტაპზე (Author). - ტფილისი, სახელგამის გა-მა, 1932. - 96გვ.
მოწაფეთა თვითორგანიზაციის მუშაობის ძირითადი მომენტები : განსახკომის სოც.-აღზრდის მთ. მართვ. მიერ მიღებულია დამხმარე წიგნათ მოსწავლეთა და მასწავლებელთათვის (Author). - ტფილისი, სახელგამი, 1930. - IV,71,[1]გვ.