მიხეილ ქავთარაძე

დაბადების ადგილი: ქ. თბილისი.

1902-1912წწ. სწავლობდა თბილისის ქართულ გიმნაზიაში; 1919-1920წწ. - საქართველოს სამხედრო სამინისტროს მიერ მოწყობილ კურსებზე, რომელიც წარმატებით დაამთავრა კარტოგრაფის სპეციალობით.

სხვადასხვა წლებში მუშაობდა საქართველოს რესპუბლიკის სამხედრო სამინისტროში, შემდეგში კავკასიის წითელდროშოვანი არმიის მთავარი შტაბის ტოპოგრაფიულ განყოფილებაში, საქართველოს კარტოგრაფიულ ინსტიტუტში, გეოგრაფიის ინსტიტუტში, თბილისის სახელმწიფო უნივერსიტეტში. ნახევარი საუკუნის მანძილზე იგი მონაწილეობდა თითქმის ყველა ქართული რუკის შედგენა-გამოცემაში. გააფორმა პირველი ქართული გლობუსი (1928). ეწეოდა აგრეთვე გრავიორულ სამუშაოებსაც. მის მიერაა გრავირებული ქართული გეოგრაფიული რუკები (1925-1933). მიღებული აქვს სახელმწიფო ჯილდოები. კარტოგრაფი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.255

• 1953 - შრომის წითელი დროშის ორდენი