ნუგზარ ზაქარაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ინჟინერ-ჰიდროლოგის სპეციალობით 1974 წელს.

1975 წლიდან მუშაობდა ვახუშტი ბაგრატიონის სახელობის გეოგრაფიის ინსტიტუტში ინჟინრის, შემდეგ უფროსი ინჟინრის, უმცროსი მეცნიერ თანამშრომლისა და 1989 წლიდან უფროსი მეცნიერ თანამშრომლის თანამდებობაზე. მუშაობდა მყინვარული ჩამონადენის ფორმირებისა და შიდაწლიური განაწილების რეჟიმისა და წყლის რესურსების პრობლემებზე. გამოქვეყნებული აქვს 30-ზე მეტი სამეცნიერო ნაშრომი. გეოგრაფიულ მეცნიერებათა კანდიდატი.

საკანდიდატო დისერტაციის თემა - "კავკასიონის სამხრეთ ფერდობის მყინვარებიდან ჩამონადენის ფორმირების მექანიზმი და რეჟიმი", დაიცვა 1989 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.126