კარლო ინასარიძე

დაბადების ადგილი: სოფელი კუშუბაური, ახლანდელი ვანის მუნიციპალიტეტი.

თბილისის კინომსახიობთა სტუდიაში სწავლის პერიოდში გაიწვიეს II მსოფლიო ომში, სადაც ტყვედ ჩავარდა; ქართველი ემი­გრან­ტე­ბის დახმარებით "ქართული ლეგიონის" საქმიანობაში ჩაერთო. ომის შემდეგ გერმანიაში შეისწავლა იურისპრუდენცია, ფილოსოფია, კინოსა და თეატრის ისტორია. მისი სადოქ­ტორო დისერტაცია იურისპრუდენციაში მიეძღვნა რუსეთ-სა­ქარ­თვე­ლოს 1783 წლის გეორგიევსკის ტრაქტატის სამართლებრივ ასპექტებს; იყო ნ. ჟორდანიას პოლიტიკური თანამოაზრე, ემიგრაციაში მოქმედი სა­ქართვე­ლოს სოციალ-დემოკრატიული პარტიის წევრი; პარიზში მისი რედაქტორობით გამოდიოდა ჟურნალები: "მებრძოლი სა­ქარ­თვე­ლო" და "ჩვენი დროშა"; იგი ასევე თანამშრომლობდა ვ. ნოზაძის ჟურნალ "კავკასიონთან". დიდი წვლი­ლი მიუძღვის ჟურნალ "თანამემამულის" დაარსებაში; იყო რადიო "თავისუფლების" ქართული რედაქციის დირექტორი; მან თავი მოუყარა ­ქართველი ემიგ­რან­ტე­ბის – გ. რობაქიძის, მ. წერეთლის, რ. არსენიძის, ვ. ნოზაძის და სხვათა ხმების ფონო­გრამებს; სა­ქარ­თველო­ში გამოგზავნა უცხოეთში გამოცემული არაერთი ქართული წიგნი და ჟურნალ-გაზეთი; შ. და გ. მაღლაკელიძეების, კ. ვეკუას, ი. და ა. ნიკურაძეების არქივები, რომლებიც ინახება სა­ქართვ. სხვა­და­სხვა ინსტიტუტსა და მუზეუმში; მას მნიშვ­ნე­ლოვა­ნი წვლი­ლი მიუძღვის სა­ქართველოს პირველი დემოკრატიული რესპუბლიკის მთავრობის არქივის სამშობლოში დაბრუნების საქმეში; სა­ქართველოსა და ­ქართველი ხალხის წინაშე განსაკუთრებული დამსახურებისათვის, ქველმოქმედებისა და საეკლესიო მშენებლობაში შეტანილი მნიშვნელოვანი წვლი­ლისთვის მი­ე­ნი­ჭა სა­ქართველოს საპატიო მოქალაქის წოდება (1996). პოლიტიკური მოღვაწე.

წყარო: საქართველო: ენციკლოპედია: ტ. IV. -თბ., 2018. -გვ.266

• სოციალ-დემოკრატიული პარტია, წევრი

• ტელემეტყველება (ავტორი). - მიუნხენი, 2000. - 1237გვ.
• თეატრისმეტყველება (ავტორი). - მიუნხენი, 1995. - 1030გვ.
• პოლიტიკური კულტურა : კრებული (ავტორი). - პარიზი, 1992. - 289გვ.
• კორიდა "ხართან ბრძოლა" = La Corrida de Toros (ავტორი). - მიუნხენი, 1984. - 84გვ.
• პატარა "ოქროს ხანა" : საქართველოს დემოკრატიული რესპუბლიკა, 1918-1921 : რადიოდოკუმენტაცია (ავტორი). - მიუნხენი, 1984. - 694გვ.
• ივერიონი : დაარსების მე-1000 წლისთავი : რადიოდოკუმენტაცია (ავტორი). - მიუნხენი, 1983. - 529გვ.
• რადიომეტყველება = Radiokunde = Science de la Radio = Радиовведение (ავტორი). - მიუნხენი, 1971. - 835გვ.