ცისანა ბასილაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ხმელეთის ჰიდროლოგიის სპეციალობით 1965 წელს; წელს დაამთავრა საქართველოს მეცნიერებათა აკადემიის დედამიწის შემსწავლელ მეცნიერაბათა სახალხო უნივერსიტეტი 1977 წელს; 1990 წელს თბილისის სახელმწიფო სამედიცინო ინსტიტუტის კურსები 1990; თბილისის უცხო ენების ინსტიტუტის ინგლისური ენის კურსები 1993 წელს.

1964 წელს მუშაობა დაიწყო ჰიდრომეტეოროლოგიის ინსტიტუტში ჯერ ტექნიკოსად, შემდეგ ინჟინრის, მეცნიერ მუშაკის, 1989 წლიდან წამყვან მეცნიერ თანამშრომლის თანამდებობაზე, 2003 წლიდან მთავარი მეცნიერ თანამშრომელი. 1968-1973წწ. ასპირანტურის კურსი გაიარა ქ. მოსკოვის ჰიდრომეტეოროლოგიის ინსტიტუტში; 1976 და 1995 წლებში მოსკოვის სახელმწიფო უნივერსიტეტში გაიარა იუნესკოს უმაღლესი საერთაშორისო ჰიდროლოგიური კურსები. შედგენილი აქვს სამეცნიერო-კვლევითი ანგარიში და 24 მეთოდური მითითება ორატიული პროგნოზირების შესადგენად, რომლებიც დანერგილია სახალხო მეურნეობის მნიშვნელოვანი ობიექტების მომსახურეობისათვის. ავტორია 80-ზე მეტი სამეცნიერო ნაშრომისა. შედგენილი აქვს მონაცემთა სტატისტიკური ანალიზის და მრავალფაქტორიან დამოკიდებულებათა განსაზღვრისა და შეფასების კომპიუტერული პროგრამები, რომლებიც გამოქვეყნებულია მსოფლიო მონაცემთა ცენტრში და გამოიყენება მეცნიერების სხვადასხვა დარგში. გეოგრაფიულ მეცნიერებათა დოქტორი.

საკანდიდატო დისერტაციის თემა - "დასავლეთ საქართველოს მდინარეთა ჩამონადენის ანალიზი და გრძელვადიანი პროგნოზები", დაიცვა 1980 წელს (მოსკოვის ჰიდრომეტცენტრი);

სადოქტორო დისერტაციის თემა - "მთის მდინარეთა ჩამონადენის პროგნოზირება (საქართველოს მაგალითზე)", დაიცვა 2002 წელს. 

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.36-37

• 1991 - სსრკ ჰიდრომეტეოროლოგიის სახელმწიფო კომიტეტის ვ. გლუშკოვის და ვ. ურივაევის პრემია

• მთის მდინარეთა ჩამონადენის პროგნოზირება ინფორმაციის უკმარისობის პირობებში : მონოგრაფია (ავტორი). - თბილისი, ტექნ. უნ-ტი, 2013. - 148გვ.. - ISBN: 978-9941-20-183-7
• მრავალფაქტორიანი სტატისტიკური მეთოდოლოგია წყალდიდობა-წყალმოვარდნების პროგნოზირებისათვის : მონოგრაფია (ავტორი). - თბილისი, ტექნ. უნ-ტი, 2013. - 180გვ.. - ISBN: 978-9941-20-184-4
• კატასტროფული წყალდიდობები, ღვარცოფები და თოვლის ზვავები საქართველოში და მათი უსაფრთხოება : მონოგრაფია (თანაავტორი). - თბილისი, საქ. ტექნ. უნ-ტი, 2012. - 244გვ.. - ISBN: 978-9941-20-120-2