ნოდარ კახიძე

დაბადების ადგილი: სოფელი ზედა ჩხუტუნეთი, ბათუმის რაიონი.

დაამთავრა შოთა რუსთაველის სახელობის ბათუმის პედაგოგიური ინსტიტუტი 1954 წელს; საქართველოს მეცნიე­რებათა აკადემიის ასპირანტურა ეთნოგრაფიის სპეციალობით 1965 წელს.

1954-1962 წწ. მუშაობდა ხელვაჩაურის რაიონის სოფ. ჩხუტუნეთის საშუალო სკოლაში ისტო­რიის მასწავლებლად და სასწავლო ნაწილის გამგედ; 1966 წლიდან ბათუმის ნიკო ბერძენიშვილის სამეცნიერო კვლევით ინსტიტუტში (2011 წლი­დან  ბათუმის შოთა რუსთაველის სახელმწიფო უნივერსიტეტის დაქვემდებარებაშია), იყო ჯერ უმცროსი, შემდგომ უფროსი მეცნიერი თანამშრომელი; 1970-1980 წწ. საათობრივი ანაზღაურების წესით იყო ბათუმის შოთა რუსთაველის სახელო­ბის პედაგოგიურ ინსტიტუტის ლექტორი; 1979-2019 წწ. ხელმძღ­ვანელობდა ინსტიტუტის ეთნოგრაფიის განყოფილებას, რომელიც 2010 წლიდან იწოდება ეთნო­ლოგიისა და სო­ციოლოგიური კვლევის განყოფილებად; 1980-1985 წწ. მუ­შაობდა საქართველოს მეცნიერებათა აკადემიის საქართველოს მთია­ნი რეგიონის შემს­წავლელი კო­მი­სიის აჭარის ქვეკომისიის სწავლულ მდივნად, ხელმძღვანე­ლობ­და საქართ­ველოს საისტორიო სა­ზო­გადოების ბათუმის ორგანიზაციას; 1998-2009 წწ. ბათუმის შოთა რუსთაველის სახელმწი­ფო უნივერსიტეტში ძირითად შტატში ლექციებს კითხულობდა შუა საუკუნეებისა და  მსოფლიო ისტორიაში, საქართველოსა და ზოგად ეთნოგრაფიაში, ისტორიულ მხარეთმცოდ­ნეო­ბაში, ქართველი ხალხის მატერიალური და სულიერი კულტურის საკითხებზე; 2010 წლიდან არის მთავარი მეცნიე­რი თანამშრომელი; 2011-2015 წწ. იყო ინსტიტუტის სამეცნიერო საბჭოს თავმჯდომარე; 2004 წელს არ­ჩე­უ­ლი იქნა უნივერსიტეტის პროფესორად; 1990-იან  წლებში ეთნოგრაფიის კურსი მიჰყავდა აჭარის (გონიოს) კოოპერაციულ ინსტიტუტში; მისი სამეცნიერო კვლევა-ძიების სფეროა აჭარისა და სამხრეთ-დასავლეთ საქართ­ვე­ლოს სხვა კუთხეების ყოფისა და კულტურის საკითხები; ამ საკითხებზე დღემდე გამოქ­ვეყ­ნე­ბუ­ლი აქვს 170 სამეცნიერო ნაშრომი. მათ შორის 4 მონოგრაფია ("მაჭახლის ხეობა", 1974; "ხელოს­ნობა აჭა­რა­ში", 1990; "ხელოსნობა სამხრეთ-დასავლეთ საქართველოში", 2004; "ეტრატზე ამეტ­ყ­ველე­ბუ­ლი ისტორია", 2013); მუშაობს წიგნზე "მაჭახლის ხეობის ტოპონიმიკა"; მისი რედაქტორობით მომზადდა და გამოიცა სამხრეთ-დასავლეთ საქართველოს ისტორიის ნარკვევების ოთხტო­მეულის მეორე ტომი, სამხრეთ-დასავლეთ საქართველოს ეთნო­ლოგიის პრობლემების ექვსი ტომი, ნიკო ბერძენიშვილის ინსტიტუტის შრომების X-XIV ტომები, ჟურნალ "მაჭახელის" 8 ნომერი; მონაწილეობდა განყოფილების 19 კრებულის ("სამხრეთ-დასავ­ლეთ საქართველოს ყოფა და კულტურა") მომზადებასა და გამოცემაში; მისი ხელმძ­ღვანელობით ჩატარდა 25 ეთნოლოგიური ექსპედიცია აჭარასა და საქართველოს სხვა კუთხეებში (გურია, სამეგრელო, იმერეთი, სამცხე-ჯავახეთი), მომზადდა ორი საკანდიდატო დისერტაცია, სტუდენტთა ორმოცამდე საკურ­სო, ათი საკონფერენციო და რამდენიმე სამაგისტრო ნაშრომი. ხანგრძლივი ნაყოფიერი სამეცნიერო კვლევითი, პედაგოგიური და საზოგა­დოებრივი საქმიანობისთვის დაჯილ­დოე­ბულია საქართველოს სსრ უმაღლესი საბჭოს პრეზიდიუ­მის (1983), აჭარის ავტო­ნო­მიუ­რი რესპუბლიკის უზენაესი საბჭოს (2000), აჭარის ა/რ განათლების, კულტურისა და სპორტის სამინისტ­როს (2009) საპატიო სიგელებით. ნაშრო­მისათვის "ხელოსნობა აჭარაში (ისტო­რიულ-ეთნოგრაფიული გამოკვლევა)", რომელიც 1990 წელს დაიბეჭდა საქართველოს მეცნიერე­ბა­თა აკადემიის გამომცემლობაში.

საკანდიდატო დისერტაციის თემა -  "მაჭახლის ხეობა", დაიცვა 1967 წელს; სადოქ­ტო­რო  დისერტაციის თემა - "ხელოსნობა სამხრეთ–დასავლეთ საქართველოში", დაიცვა 2001 წელს.

წყარო: ბათუმის შოთა რუსთაველის სახელობის სახელმწიფო უნივერსიტეტი:bsu.edu.ge

• 2015 - ღირსების ორდენი
• 1995 - თედო სახოკიას სახელობის პრემია

• ეტრატზე ამეტყველებული ისტორია : ტბეთის სულთა მატიანე (XII-XVII ს.ს.) - სამხ.-დას. საქ. ისტ.-ეთნოლ. შესწავლის წყარო (ავტორი). - ბათუმი, 2013. - 148გვ.
• ხელოსნობა სამხრეთ-დასავლეთ საქართველოში : ისტ.-ეთნოლ. გამოკვლევა (ავტორი). - ბათუმი, აჭარა, 2004. - 183გვ. . - ISBN: 99940-21-36-2
• მაჭახლის ხეობა : ისტორიულ-ეთნოგრაფიული ნარკვევი (ავტორი). - ბათუმი, საბჭოთა აჭარა, 1974. - 102გვ.