პეტრე ბერაია

1886 წელს, ზუგდიდის მაზრის სოფელ ხორგაში მამასახლისობის დროს, მისი დიდი ღვაწლით, გლეხობამ ორკლასიანი სასწავლებელი გახსნა, რომლის შენობა 2500 მანეთი დაჯდა. მისივე მეცადინეობით სოფელმა განაჩენი დადგინა და სკოლის შესანახად წლიურად 600 მანეთის გადახდა იკისრა. სკოლაში ასამდე შეგირდმა დაიწყო სიარული. სოფელ ხორგას მაგალითით, სკოლების გასახსნელად ზრუნვა სხვა სოფლებმაც დაიწყეს. საზოგადო მოღვაწე.

წყარო: ქართველ მოღვაწეთა ლექსიკონი:1801-1952: ტ.I /იოსებ იმედაშვილი -თბ.,2018.-გვ.359