შალვა ჯავრიშვილი

1918-1921 წწ. იყო ეროვნული არმიის ოფიცერი; 1922-1924 წწ. მონაწილეობდა პარტიზანულ ბრძოლაში საბჭოთა ოკუპაციის წინააღმდეგ; ქაქუცა ჩოლოყაშვილის შეფიცულთა ლეგენდარული რაზმის ერთ-ერთი ყველაზე აქტიური წევრი; მისი ერთ-ერთი უახლოესი თანამებრძოლი, ხევსურეთის 1922 წლის ამბოხების და 1924 წლის ეროვნული აჯანყების მონაწილე; 1924 წლის ოქტომბრიდან ქაქუცასთან და სხვა შეფიცულებთან ერთად პოლიტიკური ემიგრანტი; 1925-1945 წწ. ეროვნული ერთობის დარაზმულობა "თეთრი გიორგი"-ს თვალსაჩინო წევრი; 1945 წელს მოტყუებით, "ამნისტიის" პირობით შემოიტყუეს საბჭოთა ხაფანგში; 1946 წელს გაასამართლეს და მიუსაჯეს 25 წლით გადასახლება. გადასახლებაში ხელმეორედ გასამართლების შემდეგ დახვრიტეს.

წყარო: ბურუსი: burusi.wordpress.com