ვლადიმერ მარღანია

დაბადების ადგილი: სოფელი დრანდა, აფხაზეთის ასსრ.

სხვადასხვა დროს იცავდა სოხუმის "დინამოს", სტალინოს "შახტიორის", თბილისის "დინამოს" და საბჭოთა კავშირის ოლიმპიური საფეხბურთო ნაკრების ღირსებას;  გამოირჩეოდა სანიმუშო რეაქციითა და ეფექტური ნახტომებით. ითვლება თავისი დროის ერთ-ერთ უძლიერეს მეკარედ; სამჯერ იყო დასახელებული საბჭოთა კავშირის 33 საუკეთესო ფეხბურთელის სიაში; იყო თბილისის "დინამოს" ერთ–ერთი პირველი თაობის ლეგენდარული მეკარე, სპორტის დამსახურებული ოსტატი. თბილისის "დინამოში" ასპარეზობისას (1947–1958) ჩაატარა საკავშირო ჩემპიონატის 212 შეხვედრა; არის საბჭოთა კავშირის პირველობის ორგზის ვერცხლის მედალოსანი 1951, 1953 წლებში და 1950 წლის გათამაშების ბრინჯაოს პრიზიორი. სამჯერ შეიყვანეს საბჭოთა კავშირის 33 საუკეთესო ფეხბურთელთა სიაში. ჰელსინკის XV ოლიმპიური თამაშების მონაწილე საბჭოთა კავშირის ოლიმპიურ ნაკრებთან ერთად; 30 წლის ასაკში ავტოკატასტროფაში დაიღუპა; ფეხბურთელი, მეკარე.

წყარო: fcdinamo.ge; ქართული სპორტი: sport.gov.ge; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.560

• 1952 - სსრკ სპორტის დამსახურებული ოსტატი