თემურ ქორიძე

დაიბადების ადგილი: ქ. სამტრედია.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი 1976 წელს.

1976 წლიდან ეწეოდა სამეცნიეო-პედაგოგიურ საქმიანობას: იყო საქართველოს მეცნიერებათა აკადემიის შოთა რუსთაველის სახელობის ქართული ლიტერატურის ინსტიტუტის ასპირანტი, ამავე ინსტიტუტის მეცნიერ-თანამშრომელი. წლების განმავლობაში ლექციებს კითხულობდა უცხო ენათა, თეატრალურ და პოლიტექნიკურ ინსტიტუტში; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა-თავისუფალი საქართველო",  საარჩევნო ფორმა: მაჟორიტარული, მაჟორიტარი თბილისის მუხიანის N26 საარჩევნო ოლქიდან; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); საქართველოს პირველი პრეზიდენტის ზვიად გამსახურდიას თანამებრძოლი; ეროვნული მოძრაობის ერთ-ერთი ლიდერი, სახელმწიფო გადატრიალების შემდეგ განიცდიდა პოლიტიკურ დევნას. თბილისის საქალაქო სასამართლოს ადმინისტრაციულ საქმეთა კოლეგიამ აღიარა პოლიტიკური რეპრესიის მსხვერპლად. გამოქვეყნებული აქვს სამეცნიერო შრომები, ლიტერატურულ-კრიტიკული ნარკვევები და ესეები. 

წყარო: მედიაჰოლდინგი "კვირა": kvira.ge; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 341

• საქართველოს პირველი მოწვევის უზენაესი საბჭო, დეპუტატი (1990-1991)
• საქართველოს პირველი მოწვევის უზენაესი საბჭოს კულტურის განათლებისა და მეცნიერების კომისია, თავმჯდომარე (1990-1991)