მოველი ჭაავა

დაბადების ადგილი: სოფელი ნორიო, აბაშის რაიონი.

დაამთავრა საქართველოს პოლიტექნიკური ინსტიტუტი სამთო ინჟინერ-შახტმშენებლის კვალიფიკაციით 1961 წელს.

1961-1965წწ. - "ტყვარჩელშახტმშენის" სამმართველოს ცვლის ინჟინერი, უბნის და შახტის ვენტილაციის უფროსი; 1965-1978წწ. - ენგურჰესის მშენებლობის ძალოვანი კვანძის სამშენებლო სამმართველოს უბნის სამთო ოსტატი, შემდეგ, ელექტროსადგურის I რიგის საექსპლუატაციოდ გაშვებამდე უბნის უფროსი; 1978-1980წწ. - უფროსის მოადგილე წარმოების დარგში და მთავარი ინჟინერი; 1980-1983წწ. - ენგურჰესის მშენებლობის ძალოვანი კვანძის სამშენებლო სამმართველოს უფროსი, სააქციო საზოგადოება "სპეცჰიდროგვირაბმშენის" გენერალური დირექტორი. დაჯილდოებულია სახელმწიფო ორდენებითა და მედლებით, სსრკ სახალხო მეურნეობის მიღწევათა გამოფენის ოქროს მედალით და სსრკ დამსახურებული რაციონალიზატორის წოდებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.690; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.145; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.410

• 1997 - ღირსების ორდენი
• აფხაზეთის დამსახურებული ინჟინერი
• საქართველოს დამსახურებული მშენებელი