თენგიზ იაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1955 წელს.

1948-1953წწ. მუშაობდა თბილისის მთავრობის სახლისა და 1953-1955წწ. სოხუმის სახელმწიფო დრამატული თეატრის მშენებლობებზე; 1955-1959წწ. სოხუმის მაგისტრალური წყალსადენ-კანალიზაციის მშენებლობაზე მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად, საშენ მასალათა საწარმოო კომბინატის მთავარ ინჟინრად და დირექტორად; 1959-1964წწ. მონაწილეობდა ბიჭვინთის საკურორტო კომპლექსის მშენებლობაში, ბზიფის სახლსაშენი კომბინატის მშენებლობაზე, იყო უბნის უფროსი, ხოლო მშენებლობის დამთავრების შემდეგ დაინიშნა კომბინატის დირექტორად; 1964-1970წწ. ხელმძღვანელობდა საქართველოს მშენებლობის სამინისტროს N6 სამშენებლო ტრესტის N5 სამშენებლო სამმართველოს; 1970-1973წწ. "საქმთავარმონტაჟსპეცმშენის" სამონტაჟო ტრესტ "საქსანტექმონტაჟის" სოხუმის სამონტაჟო სამმართველოს; 1973-1975წწ. იყო საქართველოს მშენებლობის სამინისტროს N6 სამშენებლო ტრესტის მთავარი ინჟინერი; 1975-1992წწ. რესპუბლიკურ ტრესტ "საქკურორტის" აფხაზეთის განყოფილების თავმჯდომარის მოადგილე მშენებლობის დარგში; 1993-1996წწ. იყო სსრკ სატრანსპორტო მშენებლობის სამინისტროს "მთავარტრანსმშენის" ობუხოვოს სამშენებლო სამმართველოს უფროსი; 1997-2005წწ. იყო მცხეთა-მთიანეთის მელიორაციისა და წყალთა მეურნეობის სამმართველოს მთავარი ინჟინერი; ხელმძრვანელობდა საცხოვრებელი სახლების, სკოლების, საბავშვო ბაღებისა და საავადმყოფოების მშენებლობას აფხაზეთში, საქართველოს სხვა ტერიტორიებსა და ქ. მოსკოვის ოლქის ქალაქებში სხვადასხვა დანიშნულების ობიექტების მშენებლობას; არის სამშენებლო პრაქტიკაში დანერგილი მრავალი რაციონალური წინადადების ავტორი; დაჯილდოებულია ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.259; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.189

• საპატიო ნიშნის ორდენი
• საქართველოს დამსახურებული ინჟინერი