ნესტორ ჯიბლაძე

დაბადების ადგილი: სოფელი განახლება, ჩოხატაურის რაიონი. 

1910 წელს სოფლის ახალგაზრდობისაგან შექმნა პატარა საგუნდო ჯგუფი. მომდევნო წლიდან იგი ბათუმში გადავიდა და იქ რკინეულობის მაღაზიის მეპატრონესთან დაიწყო მუშაობა. 1934 წლიდან მოღვაწეობა დაიწყო მილიციის კლუბის ანსამბლში; მომღერალთა გუნდი ჰყავდა აგრეთვე ელსადგურის კლუბშიც. შემდგომ წელს ბათუმის ნავთობმრეწველობის მუშა-მოსამსახურეთა გუნდი ბაქოში გაემგზავრა მენავთობეთა საერთო ოლიმპიადაში მონაწილეობის მისაღებად. თავი რომ ისახელა, მოსკოვს გაგზავნეს და იქ მენავთობეთა შორის პირველ ადგილზე გამოვიდა. 1949 წელს წარჩინებით გამოვიდა ოლიმპიადაზე და ასახელა ქედის რაიონი. 1950 წელს შემოქმედებითი საღამო მოუწყეს, ხოლო მომდევნო წელს ზეიმით გაისტუმრეს ბათუმში. მეშვიდე ოლიმპიადისათვის მოსამზადებლად მან ბათუმში მომღერალ-მეჩონგურეთა ანსამბლი ჩამოაყალიბა. საოლქო დათვალიერებაზე კარგი გამოსვლისათვის ანსამბლი სათანადოდ დააჯილდოვეს. 1953 წელს, მერვე რესპუბლიკურ ოლიმპიადაზე, ქედის რაიონული ანსამბლი წარმატებით გამოვიდა. ხალხური სიმღერების შემსრულებელი, ლოტბარი.

წყარო: ხალხური სიმღერის მოამაგენი.-თბ., 2007.-გვ.241

• საქართველოს ხელოვნების დამსახურებული მოღვაწე