სურენ ქოჩარიანი

დაბადების ადგილი: ქ. თბილისი.

სასცენო მოღვაწეობა დაიწყო თბილისის სომხურ თეატრის დასში. 1921-1925წწ. თეატრალური განათლება მიიღო მოსკოვის სომხურ დრამატულ სტუდიაში. 1925-1931წწ. იყო ერევნის გ. სუნდუკიანის სომხური თეატრის მსახიობი. როლები: კაკული (გ. სუნდუკიანი "პეპო"), ვიშნევსკი (ა. ოსტროვსკის "შემოსავლიანი ადგილი"), ფურმანოვი (დ. ფურმანოვის "ამბოხება") და სხვა. 1939 წლიდან მოსკოვის ფილარმონიის მსახიობი. მხატვრული კითხვის ოსტატი, სომხურ და რუსულ ენებზე შექმნა 30-ზე მეტი ლიტერატურული კომპოზიცია, მათ შორის შოთა რუსთაველის ვეფხისტყაოსნის მიხედვით. ესტრადისა და თეატრის მსახიობი. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.553

• 1951 - სსრკ სახელმწიფო პრემია
• 1945 - სომხეთის სსრ სახალხო არტისტი
• საპატიო ნიშნის ორდენი