
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნუცა ჩხეიძე

Legal name:	ნინო ჩხეიძე
Date of birth:	30 September, 1881
Date of death:	14 August, 1963 (at 81 years)
Burial location:	დიდუბის მწერალთა და საზოგადო მოღვაწეთა პანთეონი, თბილისი
Category:	Actor/Actress

Biography

დაბადების ადგილი: ქ. ქუთაისი.

სცენაზე პირველად გამოვიდა 1894 წელს ქუთაისის თეტრში კოტე მესხის ხელმძღვანელობით, 13 წლისა (ემა, პ. ჯაკომეტის "დამნაშავის ოჯახი"), შემდეგ კი იყო საუკეთესო მოწაფე და პარტნიორი ლადო მესხიშვილისა. მოღვაწეობდა თბილისის, ქუთაისის და სხვა თეატრებში; ქუთაისის თეატრმა 1900 წელს ქ. თბილისში საგასტროლოდ ყოფნისას ნინო ჩხეიძის საბენეფისოდ დადგა კარეევის დრამა "უბედური ნაბიჯი", რომელმაც პრესისა და მაყურებლისაგან დიდი შეფასება მიიღო. ნინო ჩხეიძე თანაბარი სიძლიერით ასრულებდა ტრაგედიასაც, დრამასაც და კომედიასაც. მაგრამ იგი ქართული თეატრის ისტორიაში შევიდა, როგორც ერთ-ერთი უნიჭიერესი, ტრაგიკული და დრამატული როლების საუკეთესო შემსრულებელი რეალისტი მსახიობი. ქართულ სცენაზე შეასრულა 300-მდე როლი. დიდი აღიარება მოიპოვეს მისმა როლებმა: მედეა (ბურენინისა და სუვორინის "მედეა"), კრუჩინინა (ა. ოსტროვსკის "უდანაშაულო დამნაშავენი"), ზეინაბი (ა. სუმბათაშვილი-იუჟინის "ღალატი"), ვარვარა (კარეევის "უბედური ნაბიჯი"), ფრუალვინგი (იბსენის "მოჩვენებანი"), ნორა (იბსენის "ნორა"), მარგარიტა გოტიე (ა. დიუმას "მარგარიტა გოტიე"), ქეთევანი (ა. ყაზბეგის "ქეთევან წამებული"), ოფელია (უ. შექსპირის "ჰამლეტი"), და სხვ. 1927 წლიდან იღებდნენ კინოში: შეასრულა დედის ("საკანი N 74"), დარეჯანის ("არსენა"), დედის ("დიადი განთიადი"), "მალე ნახვამდის", "უჟმური", "დარიკო", "გოგი რატიანი" და სხვ. შესანიშნავი კინემატოგრაფიული სახეები; მის რეპერტუარში განსაკუთრებული სიძლიერით გამოირჩეოდა ტრაგიკული როლები; შესანიშნავი გარეგნობა, ძლიერი და გამომსახველი ხმა, ტემპერამენტი და გრძნობათა სიღრმე ახასიათებდა მის გმირებს; როლები: ზეინაბი (ა. სუმბათაშვილ-იუჟინის "ღალატი"), ქეთევანი (დ. ერისთავის "სამშობლო"), მარინე (ვ. გუნიას "და-ძმა"), ნატაშა (მაქსიმ გორკის "ფსკერზე"), კრუჩინინა (ა. ოსტროვსკის "უდანაშაულო დამნაშავენი"), დეზდემონა, ოფელია (უ. შექსპირის "ოტელო", "ჰამლეტი"), მარგარიტა [ა. დიუმას (შვილი) "მარგარიტა გოტიე"], ფრუ ალვინგი (ჰ. იბსენის "მოჩვენებანი"), ანტიგონე, იოკასტე (სოფოკლეს "ანტიგონე", "ოიდიპოს მეფე") და სხვა. ავტორია წიგნისა "მოგონებები" (გამოიცა ორჯერ, 1950, 1956); მიღებული აქვს სახელმწიფო ჯილდოები; თბილისში არის ნინო ჩხეიძის ქუჩა; პირველი დიდი ტრაგიკოსი მსახიობი ქალი ქართულ თეატრში; ვ. ალექსი-მესხიშვილის მოწაფე.

წყარო: თბილისი: ენციკლოპედია.- თბ., 2002.-გვ.940; მამულიშვილთა სავანე / ზ. ბაბუნაშვილი, თ. ნოზაძე. - თბ., 1994.-გვ.386

Awards and Honors

1925 - საქართველოს სახალხო არტისტი
ლენინის ორდენი
შრომის წითელი დროშის ორდენი