ავთანდილ ღოღობერიძე

დაბადების ადგილი: ქ. სოხუმი.

დაამთავრა საქართველოს სასოფლო-სამეურნეო ინსტიტუტი 1950 წელს.

სსრკ-გერმანიის ომის მონაწილე; გამოდიოდა ჯერ სოხუმის (1939-1941), შემდეგ კი - თბილისის "დინამოს" შემადგენლობაში (1944-1961); 1951 წლიდან გუნდის უცვლელი კაპიტანი; თბილისის "დინამოს" რეკორდსმენი ჩატარებული სეზონების (17), სსრკ ჩემპიონატებზე მატჩების (343) და გატანილი გოლების (127) რაოდენობით; სსრკ ნაკრების შემადგენლობაში ითამაშა სამჯერ (1 გოლი); 3-ჯერ დაასახელეს სსრკ 33 საუკეთესო ფეხბურთელს შორის; გ. ფედოტოვის სახ. კლუბის წევრი (134 გოლით); იყო გუნდის ჭეშმარიტი ლიდერი; ჩინებული ორგანიზატორული ნიჭის და ფილიგრანული ტექნიკის თავდამსხმელი; ფეხბურთის კარიერის დამთავრების შემდეგ მუშაობდა მწვრთნელად; იყო თბილისის "დინამოს" უფროსი მწვრთნელი (1961-1962) და გუნდის უფროსი (1963-1965); თბილისის "ლოკომოტივის" უფროსი მწვრთნელი (1966-1967); ავტორია წიგნისა "ბურთით ცხრა მთას იქით" (1963); მიღებული აქვს სახელმწიფო ჯილდოები; თბილისში არის ღოღობერიძის ქუჩა. სსრკ ჩემპიონატის მესამე პრიზიორი (1946, 1947, 1950, 1959), სსრკ ჩემპიონატის მეორე პრიზიორი (1951). სპორტის სახეობა: ფეხბურთი.

წყარო: თბილისი: ენციკლოპედია.- თბ., 2002. - გვ.905-906

• 1951 - სსრკ სპორტის დამსახურებული ოსტატი
• 1946 - სსრკ თასის მფლობელი

• ბურთით ცხრა მთას იქით : სპორტული მემუარები (ავტორი). - თბილისი, საქ. ჟურნალისტთა კავშირი, 1963. - 214გვ.