სოლომონ ქურდიანი

დაბადების ადგილი: ქ. საგარეჯო.

დაამთავრა ნოვოალექსანდრიის (პოლონეთი) სოფლის მეურნეობისა და მეტყევეობის ინსტიტუტი 1900 წელს.

მუშაობდა ამავე ინსტიტუტის მეტყევეობის კათედრის ჯერ ასისტენტად, შემდგეგ - პროფესორად; კითხულობდა დენდროლოგიის კურსს; იყო თბილისის სახელმწიფო უნივერსიტეტის დაარსების (1918) ერთ-ერთი ინიციატორი და ბოტანიკის კათედრის პროფესორი, ამასთან, 1929 წლიდან საქართველოს ცენტრალურ სატყეოი საცდელ სადგურს განაგებდა; 1930 წლიდან საქართველოს სასოფლო-სამეურნეო ინსტიტუტის დაარსების შემდეგ, ამავე ინსტიტუტის დენდროლოგიის, სატყეო ტაქსაციისა და სატყეო მეურნეობის კათედრის გამგეა; მისი ინიციატივით ამავე ინსტიტუტის სატყეო-სამეურნეო ფაკულტეტის ბაზაზე შეიქმნა ჯერ ამიერკავკასიის(1931), შემდეგ თბილისის სატყეო-ტექნიკური ინსტიტუტი (1933), რომლის დენდროგიისა და ბოტანიკის კათედრას თვითონ ჩაუდგა სათავეში; მისი მეცნიერული ნაშრომები ეხება ტყის მერქნიანი ჯიშების ბიოლოგიას, ეკოლოგიას, სახეობათაშორის ჰიბრიდიზაციას, სელექციას. შექმნა დენდროლოგიის, მეტყევეობისა და ტყის ჯიშების სელექციის ქართული ორიგინალური სახელმძღვანელოები. ქართველი მეტყევე-სელექციონერი, სოფლის მეურნეობის მეცნიერებათა დოქტორი, პროფესორი (1914). 1937 წელს იგი "ხალხის მტრად" გამოცხადდა, დააპატიმრეს, სასტიკად აწამეს, მისი შრომები გაანადგურეს და დახვრიტეს. დღესაც უცნობია მისი საფლავი. რეაბილიტირებული 1956 წელს.

წყარო: ქართული საბჭოთა ენციკლოპედია: ტ.10-თბ., 1986.-გვ.575

• დენდროლოგია : მეცნიერება ტყის ჯიშების შესახებ (ავტორი). - ტფილისი, სახელგამის გა-მა, 1931. - 331გვ.
• მორების საზომი ტაბულა კუბ. მეტრებში. მიღებული საკურორტო სამართველოს მიერ 1929 წ. (ავტორი). - ტფილისი, 1929. - 37გვ.