პეტრე მამრაძე

დაბადების ადგილი: ქ. თბილისი.

დაამთავრა პეტერბურგის ტექნოლოგიური ინსტიტუტი ინჟინერ-ჰიდროტექნიკოსის სპეციალობით 1907 წელს.

1907-1910წწ. მათემატიკას ასწავლიდა თბილისის ქართულ გიმნაზიაში; 1912-1917წწ. დაამუშავა მთაწმინდის პანთეონში ილია ჭავჭავაძის ძეგლის (ავტორი იაკობ ნიკოლაძე) არქიტექტურული ნაწილი, ქუთაისის თბოელექტროსადგურის, ალაზნის ველის, დოღლაურის ველის მიდამოებისა და ლამი-მისაქციელის მიწების მორწყვის პროექტები და სხვა; 1921-1922წწ. განაგებდა დასავლეთ საქართველოში პირველი საბჭოთა სარწყავი სისტემის და ჭაობების დაშრობის (ქობულეთის რაიონი) სამუშაობებს; 1926-1930წწ. ხელმძღვანელობდა ალაზნის სარწყავი სისტემის მშენებლობას, დააპროექტა შირაქის წყალსადენი, სამგორის ველის მორწყვის სქემა; 1932-1937წწ. დაამუშავა კურორტ წყალტუბოს კეთილმოწყობის გენერალური გეგმის ძირითადი სქემა და სათავეში ედგა წყალტუბოს ჰიდროტექნიკური კომპლექსის მშენებლობას. ამავე პერიოდში ლექციებს კითხულობდა საქართველოს პოლიტექნიკურ ინსტიტუტში. მიღებული აქვს სახელმწიფო ჯილდოები. ინჟინერ-ჰიდროტექნიკოსი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.399; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.105