იაკობ ტრიპოლსკი

დაბადების ადგილი: დაბა ფასანაური, დუშეთის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.

1942 წლიდან კოტე მარჯანიშვილის სახელობის დრამატული თეატრის მსახიობი; შესრულებული აქვს სხვადასხვა ხასიათის როლი, მ. შ. მანუჩა (ვ. კანდელაკის "მაია წყნეთელი"), იასონი (შ. დადიანის "ნინოშვილის გურია"), ტიბალტი, მალვოლიო (შექსპირის "რომეო და ჯულიეტა", "მეთორმეტე ღამე"), თინიბეგი (მრევლიშვილის "ზვავი"), ბახა (ვაჟა-ფშაველას "მოკვეთილი"), დათიკო ("მე ვხედავ მზეს" დუმბაძის მიხედვით), გიჟუა, მოურავი (ცაგარლის "რაც გინახავს, ვეღარ ნახავ") და სხვა.; კინოში იღებდნენ 1943 წლიდან. როლები: თეიმურაზი ("ქეთო და კოტე"), პროფესორი ("ჭრიჭინა"), ი. სტალინი ("მიზნის არჩევა"), ზურაბ გურგენიძე ("ქალის ტვირთი"), თორღვაი ("ხევისბერი გოჩა") და სხვა. 

წყარო: ქართული საბჭოთა ენციკლოპედია: ტ.10.-თბ.,1986.- გვ.53

• 1966 - საქართველოს სახალხო არტისტი
• 1950 - საქართველოს დამსახურებული არტისტი
• საპატიო ნიშნის ორდენი

• ჩემი ცხოვრების დაფანტული ფურცლები (ავტორი). - თბილისი, შპს "სეზანი", 2019. - 288გვ.