მიხეილ ლაკერბაი

დაბადების ადგილი: სოფელი მერხეული, ახლანდელი გულრიფშის რაიონი.

დაამთავრა ქ. სოხუმის მთიელთა სკოლა; 1920 - რეალური სასწავლებელი. სწავალა გააგრძელა თბილისის პოლიტექნიკურ ინსტიტუტში, დაამთავრა საზოგადოებრივ მეცნიერებათა ფაკულტეტი იურიდიული განხრით. 

1926-1929წწ. მუშაობდა საქართველოს უმაღლესი სასამართლოს დამცველთა კოლეგიაში დამცველად სოხუმსა და თბილისში; 1929-1930წწ. სწავლობდა მოსკოვში კინო-სცენარის უმაღლეს ლიტერატურულ კურსებზე. 1932 წელს მისი სცენარის მიხედვით გადაიღეს ფილმი "მზის ყვავილი". მეორე მსოფლიო ომის წლებში იმყოფებოა ფრონტზე, ქ. სევასტოპოლთან ტყვედ ჩავარდა. ტყვეობიდან გამოიქცა და მოქმედ არმიაში დაბრუნდა. 1947 წელს დააპატიმრეს და ბრალი წარუდგინეს ბერიას წინააღმდეგ გამოსვლებში, მიუსაჯეს 10 წელი. გადასახლებაში ყოფნის დროს ეწეოდა საზოგადოებრივ მუშაობას. წერდა თვითმოქმედი წრეებისთვის, ატარებდა მკითხველთა კონფერენციებს, აგრძელებდა მუშაობას აფხაზურ ნოველებზე და ძველი პიესების გადამუშავებაზე. მისი თხზულებები 1919 წლიდან იბეჭდებოდა. 1921-1925წწ. აფხაზეთის გაზეთის ''აფსნი ყაფშის'' თანარედაქტორი იყო. 1930-იანი წლებიდან იღწვოდა აფხაზეთის დრამატურგიის განვითარებისათვის (პიესები ''გეჩების შთამომავალი'', 1939; ''აბიდა'', 1940; ''დანაყაი'', 1946-1947; ''საუცხოო შენადნობი'', 1955 და სხვა). მას ეკუთვნის აგრეთვე ნარკვევები, კინოსცენარები, ლიბრეტოები. წვლილი მიუძღვნის ომისშემდგომი აფხაზური პროზის განვითარებაში. განსაკუთრებული პოპულარობა მოუპოვა სხარტმა, იუმორითა და ეროვნული კოლორიტით აღსავსე ნოველებმა, რომლებშიც წარმოგვიდგება აფხაზი ხალხის წარსული და აწმყო.

წყარო: ქართული საბჭოთა ენციკლოპედია: ტ. 6.-თბ., 1983.-გვ.112; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.70-74

• საქართველოს საბჭოთა მწერლების კავშირი, წევრი (1938-)

• 1961 - აფხაზეთის ავტონომიური რესპუბლიკის ხელოვნების დამსახურებული მოღვაწე

• ბზის ჯოხი : მოთხრობები (ავტორი). - თბილისი, ნაკადული, 1968. - 123გვ.
• ალამისის სიმღერა : ნოველები (ავტორი). - თბილისი, ლიტერატურა და ხელოვნება,, 1965. - 243გვ.
• აფხაზური ნოველები (ავტორი). - თბილისი, საბჭ. საქართველო, 1960. - 235გვ.
• აფხაზური თეატრის ისტორიიდან (ავტორი). - თბილისი, ხელოვნება, 1957. - 80გვ.