Login |
![]() |
![]() |
![]() ![]() |
HomeCategories |
Search The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Parliamentary Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. |
პეტრე ოცხელი![]()
Biographyდაბადების ადგილი: ქ. ქუთაისი. თეატრის მხატვარი, ქართული ავანგარდის ერთ-ერთი ყველაზე მნიშვნელოვანი წარმომადგენელი. სხვა მხატვრებთან ერთად მან ფაქტობრივად მოახდინა რევოლუცია ქართული სცენისა და კოსტიუმის დიზაინში. 1913-1920წწ. ოჯახთან ერთად ცხოვრობდა მოსკოვში; 1920 წელს ის საქართველოში დაბრუნდა და სწავლას ქუთაისის რეალურ სასწავლებელში გააგრძელა. ხატვას სკოლასთან არსებულ სტუდიაში სწავლობდა; 1926 წელს სწავლა გააგრძელა თბილისის სამხატვრო აკადემიაში პროფესორ იოსებ შარლემანის კლასში; 1927 წელს სახალხო სახლთან არსებულ მუშათა თეატრში გააფორმა ა. ლუნაჩარსკის "ცეცხლის გამჩაღებლები". ამ სპექტაკლის შემდეგ კოტე მარჯანიშვილმა მას ქუთაისის თეატრში მუშაობა შესთავაზა; კ. მარჯანიშვილმა და მისმა თეატრმა დიდი როლი ითამაშა მის ჩამოყალიბებაში. იგი მუშაობდა თბილისის, ქუთაისის და მოსკოვის თეატრებში, ცნობილ რეჟისორებთან (კ. მარჯანიშვილი, კ. სტანისლავსკი და სხვა); გააფორმა ქართულ კულტურულ ცხოვრებაში ერთგვარ მოვლენად ქცეული და მნიშვნელოვანი არა მხოლოდ ქართული სცენისთვის, ცნობილი დადგმები: "ურიელ აკოსტა" (1929), "ხატიჯე", "ოტელო", "ყაჩაღები", "მუნჯები ალაპარაკდნენ" და სხვ.; შეასრულა ესკიზები ლეო ესაკიას კინოფილმისთვის "მფრინავი მღებავი". მიღებული აქვს კ. სტანისლავსკის მიერ მოწყობილი ჯ. ვერდის "რიგოლეტოს" დადგმის კონკურსის პირველი პრემია ესკიზებისთვის, ლონდონის თეატრის მხატვართა გამოფენის დიდი ოქროს მედალი (1939). 1937 წელს პეტრე ოცხელი გახდა სტალინური რეპრესიების მსხვერპლი. მას წაუყენეს ბრალდება: "მოსკოვში ტერორისტული ორგანიზაციის ჩამოყალიბება" და სიკვდილით დასაჯეს. სცენოგრაფი. წყარო: ქართული საბჭოთა ენციკლოპედია: ტ.7.-თბ.,1984.-გვ.625; modernism.ge
|
Biographical Dictionary. version 1.2.2.R1 Copyright © 2010-2012 by David A. Mchedlishvili |