პოლიევქტო კვიცარიძე

საშუალო განათლების მიღების შემდეგ შევიდა პეტერბურგის უნივერსიტეტში აღმოსავლეთ ენების ფაკულტეტზე, რომლის დამთავრება ვერ მოახერხა სხვადასხვა მიზეზის გამო. დაბრუნდა სამშობლოში და დაიწყო მასწავლებლად მუშაობა ქუთაისში. პედაგოგიურ მოღვაწეობასთან ერთად, აღსანიშნავია მისი საზოგადოებრივი მოღვაწეობა ქუთაისის სასულიერო სასწავლებელში. 1902 წელს ავადმყოფობის გამო თავი დაანება სამსახურს. მთელ საქართველოში დიდი ავტორიტეტითა და სიყვარულით სარგებლობდა. მას კარგად იცნობდნენ, როგორც ქართული ენის საუკეთესო მცოდნეს და საზოგადო მოღვაწეს. როგორც მკვლევარსა და ლიტერატორს, ბევრი წერილი აქვს მოთავსებული "დროებაში", "იმედში", ჟურნალ "ივერიაში", "თეატრში", "ნობათსა" და სხვ. წერდა ლექსებს. დიდი შრომა მიუძღვის ქართული ენის სწავლების გაუმჯობესების საქმეში. მისი ინიციატივით და ხელისშეწყობით ქუთაისში დაარსდა საზოგადოება "წიგნების გამავრცელებელი ქუთათური ამხანაგობა“. იგი ამ საზოგადოების სარედაქციო კომისიის მუდმივი წევრი იყო. დიდი როლი შეასრულა ხალხში წიგნების გავრცელების საქმეში. 

წყარო: განმანათლებლობა საქართველოში: იდეები და მოღვაწეები: nateba.webbreeze.net; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.133; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.667

• წიგნების გამავრცელებელი ქუთათური ამხანაგობა, წევრი

• ამორჩეული ადგილები საღვთო-საეკლესიო წიგნებიდან, სასულიერო სასწავლებელთ მოწაფეთაგან დასასწავლი ზეპირად : მთავრობის მიერ გამოცემული პროგრამაზე (ავტორი). - Кутаис, тип. И. Киладзе и Е. Хеладзе, 1898. - 108, Xგვ.
• ქართული სწორმეტყველება : საშინჯი სახელმძღვანელო (ავტორი) // წ. 1. . - თბილისი, 1888. - 164გვ.