გიორგი დვალი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1985 წელს.

1985-1992წწ. მუშაობდა  საქართველოს მეცნიერებათა აკადემიის ე. ანდრონიკაშვილის სახელობის ფიზიკის ინსტიტუტში; 1992-1993წწ. იყო თეორიული ფიზიკის საერთაშორისო ცენტრის (ICTP, ტრიესტი, იტალია), ხოლო 1993-1995წწ. პიზის უნივერსიტეტის პოსტდოქტორანტი; 1995-1997წწ. ბირთვული კვლევის ეროვნული ცენტრის (CERN) მკვლევარი; 1997-1998წწ. ICTP–ს პროფესორი; 1998 წლიდან ნიუ–იორკის უნივერსიტეტის პროფესორი; 2010 წლიდან არის მაქს პლანკის ინსტიტუტის (მიუნხენი, გერმანია) დირექტორი; ეწევა აქტიურ პედაგოგიურ მოღვაწეობას; მისი კვლევის სფეროა ელემენტარული ნაწილაკების თეორია, კოსმოლოგია, კვანტური გრავიტაცია, ადრეული სამყაროს ევოლუცია; განსაკუთრებით მნიშვნელოვანი შედეგები, რომლებიც მან მიიღო კოლეგებთან ერთად ეხება სამყაროს ფარული განზომილებების თეორიას (1998); მონაწილეობას იღებს დიდი ჰადრონული კოლაიდერის ექსპერიმენტში; იწინასწარმეტყველა, რომ ამ ექსპერიმენტში შესაძლებელია მიკროსკოპული შავი ხვრელების წარმოქმნა და გაანალიზა ამ მოვლენის შესაძლო დაკვირვებითი შედეგები.

წყარო: საქართველო: ენციკლოპედია: ტ.2. – თბ., 2012. – გვ.390

• ატომური კვლევების ევროპული ორგანიზაცია(CERN), მუდმივი წევრი (2007-)

• 2008 - ალექსანდერ ჰუმბოლდტის სახელობის საერთაშორისო პრემია
• 2007 - ნიუ-იორკის უნივერსიტეტის "ვერცხლის პროფესორი"
• 2001 - ნიუ-იორკის მერის ჯილდო , მეცნიერებასა და ტექნოლოგიაში მიღწეული წარმათებისათვის
• 2000 - ა. სლოუნის ჯილდო, მეცნიერებასა და ტექნოლოგიაში მიღწეული წარმათებისათვის
• 1999 - დევიდ და ლუსილ პაკარდების ჯილდო, მეცნიერებასა და ტექნოლოგიაში მიღწეული წარმათებისათვის