ჰამლეტ გეგენავა

დაბადების ადგილი: სოფელი ნაჩხეტაური, სამტრედიის რაიონი.

დაამთავრა თბილისის სამხედრო სასწავლებელი 1957 წელს; პედაგოგიური ინსტიტუტის ფილოლოგიის ფაკულტეტი 1969 წელს; საკავშირო ცენტრალურ კომიტეტთან არსებული უმაღლესი პარტიული სკოლა 1978 წელს.

1957-1970წწ. იყო სამხედრო ნაწილის(73879) ოცეულის მეთაური, ბატალიონის მეთაურის მოადგილე, პოლკის პროპაგანდისტი; 1970-1979წწ. პოლიტგანათლების უფროსის მოადგილე; 1979-1992წწ. საქართველოს სამოქალაქო თავდაცვის შტაბის უფროსის მოადგილე; 1992-1995წწ. საქართველოს ეროვნული უშიშროებისა და თავდაცვის საბჭოს მდივანი, სახელმწიფო სამხედრო მრჩეველი; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით. ავტორია ბროშურებისა სამოქალაქო თავდაცვის საკითხებზე და ლექსების კრებულისა. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ.79; საქართველოს პარლამენტი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 112; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.124

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის თავდაცვისა და უშიშროების კომიტეტი, კომიტეტის თავმჯდომარის პირველი მოადგილე (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი" , წევრი (1995-1999)
• საქართველოს მე-4 მოწვევის პარლამენტის ჯანმრთელობის დაცვისა და სოციალურ საკითხთა კომიტეტი, წევრი (1995-1999)
• საქართველოს შეიარაღებული ძალების ვეტერანთა კომიტეტი, თავმჯდომარე (1994-2013)

• 1993 - ვახტანგ გორგასლის III ხარისხის ორდენი
• 1986 - საქართველოს რესპუბლიკის დამსახურებული პროპაგანდისტი

• ლექსები (ავტორი). - თბილისი, ცოდნა, 1998. - 62გვ.