ანდრია დადიანი

დაბადების ადგილი: ქ. ზუგდიდი.

დაამთავრა ჰაიდელბერგის უნივერსიტეტის იურიდიული ფაკულტეტი 1873 წელს.

1874 წლიდან მსახურობდა რუსეთის არმიაში; 1881—1882წწ. მონაწილეობა მიიღო პეტერბურგის საჭადრაკო კლუბის მიერ გამართულ მოყვარულთა 2 ტურნირში და I ადგილები დაიკავა დაუმარცხებლად; 1899წწ. მიიწვიეს სრულიად რუსეთის I ტურნირში, მაგრამ მონაწილეობა არ მიუღია; 1903—1904წწ. იყო მონტე–კარლოს საერთაშორისო ტურნირების პრეზიდენტი; თანამშრომლობდა იმ დროის უცხოურ და რუსულ საჭადრაკო ჟურნალებთან; აწესებდა პრიზებს ლამაზი პარტიებისათვის; თამაშობდა ცნობილ მოჭადრაკეებთან(ს. როზენტალი, ს. დიუბუა, ი. შუმოვი, ი. კოლიში და სხვა) პარიზში, რომში, კიევში, თბილისში; ინგლისურმა საჭადრაკო ჟურნალმა "ჩეს მანთლიმ"("The Chess Monthly") 1892 წლის ივნის-ივლისის ნომერი მთლიანად დადიანის შემოქმედებას მიუძღვნა; 1903 წელს ე. შიფერსის წინასიტყვაობით კიევში ფრანგულ ენაზე გამოიცა დადიანის 100 პარტიის დაბოლოება("Fins de Partie du Prince Dadian de Mingr.elie"); მოჭადრაკე და ჭადრაკის მეცენატი, ეკატერინე ჭავჭავაძისა და სამეგრელოს მთავრის დავით დადიანის შვილი.

წყარო: საქართველო: ენციკლოპედია: ტ.2. – თბ., 2012. – გვ.251