ირაკლი კვირიკაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1963 წელს; 1968 წელს მოსკოვის საკავშირო სახელმწიფო კინემატოგრაფიის ინსტიტუტის კინოსარეჟისორო ფაკულტეტი.

1968-1977წწ. იყო საქართველოს ტელესტუდიის, 1977-1991წწ. კინოსტუდია "ქართული ფილმის" რეჟისორი, სცენარისტი; 1974-1981წწ. თბილისის სახელმწიფო თეატრალური ინსტიტუტის კინოსარეჟისორო ფაკულტეტის ხელმძღვანელი; 1982-1995წწ. მოსკოვის საერთასორისო კინოინსტიტუტის კინოსარეჟისორო ფაკულტეტის ხელმძღვანელი, პროფესორი; 1991 წლიდან დამოუკიდებელი ავტორია. მუშაობს ამერიკაში, გერმანიაში, რუსეთში. არის რეჟისორი ფილმებისა: "ქვევრი" (1968), "სადღეგრძელო" (1970), "ქალაქი ანარა" (1975), "ამხანაგ სტალინის მოგზაურობა აფრიკაში" (1990) და სხვ. სცენარის ავტორია ფილმებისა: "მოცურავე" (1981), "რობინზონიადა ანუ ჩემი ინგლისელი პაპა" (1986), "ამხანაგ სტალინის მოგზაურობა აფრიკაში" (1990), "მეტეოიდიოტი" (2008) და სხვ.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 180

• საქართველოს კინემატოგრაფისტთა შემოქმედებითი კავშირი, წევრი (1972-)

• 2001 - პრემია "ნიკა"(რუსეთი), საუკეთესო სცენარისთვის, ფილმი "მთვარის მამა"
• 2000 - ევროპული კინოაკადემია(საფრანგეთი), საუკეთესო სცენარისთვის, ფილმი "27 მოპარული კოცნა"
• 1996 - "კინო შოკი 96" (ანაპა) , პრიზი საუკეთესო სცენარისთვის, ფილმი "მოგზაურობა როსინანტთან"
• 1995 - პრემია "ნიკა"(რუსეთი), საუკეთესო სცენარისთვის, ფილმი "ლიმიტა"
• 1983 - საქართველოს ხელოვნების დამსახურებული მოღვაწე
• პრიზი "საფრანგეთის საუკეთესო სცენარისტი 89"