დავით ხახალეიშვილი

დაბადების ადგილი: ქ. ქუთაისი.

დაამთავრა ქუთაისის პოლიტექნიკური ინსტიტუტი.

1992 წლის ბარსელონის ოლიმპიური თამაშების ჩემპიონი; ასევე მსოფლიოს 2-გზის ვერცხლის (1991, 1993) და 2-გზის ბრინჯაოს (1993, 1995) პრიზიორი; ევროპის ბრინჯაოს პრიზიორი; სსრკ ხალხთა X სპარტაკიადის (1991), საბჭოთა კავშირისა (1991) და დსთ-ის ჩემპიონი (1992) ძიუდოში. მონაწილეობდა 1996 წლის ატლანტის XXVI ოლიმპიურ თამაშებში, თუმცა აწონაზე დააგვიანა და ტურნირიდან მოიხსნა. 1995, 1996 და 2003 წლებში სამჯერ იასპარეზა იაპონიაში, შერეული ორთაბრძოლების ტურნირში. ჰერმან რენტინგთან დებიუტი გამარჯვებით დაასრულა, თუმცა მომდევნო ორი დაპირისპირება იოშიჰისა იამამოტოსთან და იოშიჰირო ნაკაოსთან წააგო. სახელოვანი ქართველი ძიუდოისტი; 1992 წელს, ბარსელონაში, ქართველი ძიუდოისტის გამარჯვების აღსანიშნავად, ოლიმპიურ თამაშებზე პირველად აღიმართა საქართველოს ეროვნული დროშა და აჟღერდა სახელმწიფო ჰიმნი.

წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.240; საქართველოს ეროვნული ოლიმპიური კომიტეტი: geonoc.org.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.200

• 2018 - ბრწყინვალების საპრეზიდენტო ორდენი
• 2003 - სა­ქარ­თვე­ლოს ეროვ­ნუ­ლი ოლიმ­პი­უ­რი კო­მი­ტე­ტის ორ­დე­ნი
• 1997 - მსოფიოს ჩემპიონი (სამბო)
• 1997 - ღირსების მედალი
• 1996 - ევროპის ჩემპიონი (+95კგ.)
• 1996 - მსოფიოს ჩემპიონი (სამბო)
• 1994 - ვახტანგ გორგასლის II ხარისხის ორდენი
• 1993 - ევროპის ჩემპიონი (+95კგ.)
• 1992 - XXV ოლიმპიური თამაშების ჩემპიონი, ოქროს მედალი (ბარსელონა, ესპანეთი)
• 1991 - სსრკ ჩემპიონი (ძიუდო)
• ღირსების ორდენი