ბენიტო ბუაჩიძე

დაბადების ადგილი: ხარაგაულის რაიონი(შორაპნის მაზრა), სოფელი ფარცხნალი.

ქართველი და ამიერკავკასიელი პროლეტარული მწერლობის ერთ–ერთი პირველი იდეური მოთავე და ორგანიზატორი. 1926–1928 წლებში არჩეული იყო საქართველოს და ამიერკავკასიელი პროლეტარული მწერლობის ასოციაციათა საკავშირო გაერთიანების მდივნად. თანამშრომლობდა გაზეთ "ზარია ვოსტოკაში", იყო ჟურნალ "ნა რუბეჟე ვოსტოკას" რედკოლეგიის წევრი. 1932 წელს მუშაობდა მოსკოვის კომუნისტური აკადემიის ლიტერატურის ინსტიტუტის უფროს მეცნიერ–თანამშრომლად. 1934 წელს დანიშნეს თბილისის სახელმწიფო უნივერსიტეტის ლიტერატურის ფაკულტეტის დეკანად. კრიტიკოსი, ლიტერატურათმცოდნე. რეპრესირებული. სიკვდილის შემდეგ რეაბილიტირებული.

წყარო: საქართველო: ენციკლოპედია: ტ.I.–თბ., 1997.–გვ.486; nplg.gov.ge

• თანამედროვე ქართული მწერლობის გზები (ავტორი). - ტფილისი, სახელგამი, 1934. - 429გვ.
• მხატვრული მწერლობის შემოქმედებითი საკითხები : ნარკვევი (ავტორი). - ტფილისი, ფედერაცია პ/ტრ. მე-2 სტ., 1933. - 210გვ.
• ბრძოლა ჰეგემონიისათვის (ავტორი). - ტფილისი, პოლიგრაფტრ. 1-ლი სტ., 1930. - 292გვ.
• ხელოვნების მიმდინარე საკითხები (ავტორი). - სახელგამი, სახელგამი, 1930. - 108გვ.