გიორგი ნიორაძე

დაბადების ადგილი:  სოფელი შრომა, ზესტაფონის რაიონი.

სწავლობდა თბილისის სამასწავლებლო ინსტიტუტში; 1921 წელს დაამთავრა მოსკოვის უნივერსიტეტი. 

1910-1917წწ. იყო ქუთაისის საქალაქო სასწავლებლისა და მუშათა საღამოს კურსების მასწავლებელი; ატარებდა ლექციებს ღარიბ მოსწავლეთა სასარგებლოდ; უნივერსიტეტის დამთავრების შემდეგ იქვე დატოვეს საპროფესოროდ მოსამზადებლად; 1920-1922წწ. აწარმოებდა არქეოლოგიურ გათხრებს; 1922-1924წწ. სწავლობდა ჯერ ბერლინის, ხოლო შემდეგ ჰამბურგის უნივერსიტეტში და მიიღო არქეოლოგის კვალიფიკაცია; 1925 წლიდან საქართველოს სახელმწიფო მუზუმში არქეოლოგიისა და ეთნოგრაფიის განყოფილების გამგე; 1926 წლიდან თბილისის სახელმწიფო უნივერსიტეტის ლექტორი; 1927 წელს მისი ხელმძღვანელობით გაითხარა ადრინდელი რკინის ხანის ორმოსამარხი ზემო ავჭალაში, 1930 წელს მტკვარ – არაქსის კულტურის ადრეული ძეგლი დიდუბეში; 1934 წლიდან არქეოლოგიის კათედრის გამგე; 1933 წლიდან პროფესორი, 1935 წლიდან ისტორიის მეცნიერებათა დოქტორი; 1935 წელს დაინიშნა საქართველოს არქეოლოგიის ინსტიტუტის დირექტორად; 1933–1943წწ. განაგებდა ენის, ისტორიის და მატერიალური კულტურის ინსტიტუტის(შემდგომში ისტორიის ინსტიტუტი) არქეოლოგიის განყოფილებას; მისი არქეოლოგიური გამოკვლევები მოიცავს ქრონოლოგიური დიაპაზონის ძეგლებს ქვის ხანის მღვიმე საცხოვრისებიდან ფეოდალურ ხანამდე; ეთნოლოგიურ–ანთროპოლოგიური გამოკვლევები ეძღვნება ქართველების, ოსების, კავკასიისა და ციმბირის ხალხთა ყოფას, რელიგიას, ზოგადად კულტურისა და ისტორიის საკითხებს; გამოიკვლია დასავლეთ საქართველოს ხელოვნური ბორცვების ხასიათი და ასაკი, აღმოსავლურ-ქართული ბრინჯაოს კულტურის თავისებურება, ქართულ–წინააზიურ კულტურათა ურთიერთობა; გათხარა და შეისწავლა დასავლეთ და აღმოსავლეთ საქართველოს არქეოლოგიური ძეგლები, ქართული არქეოლოგიის ფუძემდებელი. 

წყარო: ქართული საბჭოთა ენციკლოპედია, ტ. 7, თბილისი, 1984, გვ. 441

• მოსკოვის საბუნებისმეტყველო საზოგადოება, წევრი (1922-)
• საქართველოს მეცნიერებათა აკადემია, წევრ-კორესპონდენტი (1946-)

• 1944 - საქართველოს მეცნიერებათა დამსახურებული მოღვაწე

• შრომები=Die Werke=Труды : 5 ტომად (ავტორი) // ტ. 2 : საქართველოს ბრინჯაოს ხანის არქეოლოგიური ძეგლები = Bronzezeitliche archaologische Fundorte aus Georgien = Археологические памятники бронзовой эпохи Грузии . - თბილისი, მეცნიერება, 2013. - 338გვ.. - ISBN: 978-9941-9311-5-4
• შრომები=Die Werke=Труды : 5 ტომად (ავტორი) // ტ. 1: საქართველოს გვიანბრინჯაოს, ანტიკური და შუასაუკუნეების ხანის არქეოლოგიური ძეგლები = Spatbronzezeitliche, antike und mittelalterliche archaologische Fundorte aus Georgien = Археологические памятники позднебронзовой, античной и средневековой эпох Грузии. - თბილისი, მეცნიერება, 2011. - 360გვ. . - ISBN: 978-9941-9105-8-6
• მიკლუხო-მაკლაი და "ქვის ხანის ადამიანები" : 22 სურათით (ავტორი). - თბილისი, ტექნიკა და შრომა, 1948. - 92გვ.
• პალეოლითის ადამიანი დევისხვრელში : 64 სურათით, 8 ტაბულითა და 1 გეგმით (ავტორი). - ტფილისი, საქ. მუზეუმის გა-მა, 1933. - 110გვ.
• ზემოავჭალის სამარე (ავტორი). - ტფილისი, პოლიგრაფტრ. სტ., 1931. - 89გვ.