რეზო ესაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1956 წელს; 1965 წელს კინემატოგრაფისტთა საკავშირო ინსტიტუტის სარეჟისორო ფაკულტეტი მოსკოვში.

1955-1957წწ. იყო თბილისის სახელმწიფო უნივერსიტეტის ფიზიკის კათედრის  უმცროსი მეცნიერ-თანამშრომელი, ამავე უნივერსიტეტის იუმორისტული გაზეთის "ჭინჭრაქას" რედაქტორი; 1956-58წწ. იყო თბილისის 23-ე საშუალო სკოლის ფიზიკისა და ასტრონომიის  მასწავლებელი; 1960 და 1974-1989წწ. კინოსტუდია "ქართული ფილმის", 1965-1974წწ. "ლენფილმის" რეჟისორი; 1972 წელს საქართველოს ტელეფილმების სტუდიის რეჟისორი; 1979-1989წწ. გაერთიანება "დებიუტის" მხატვრული ხელმძღვანელი; 1989 წლიდან ხელმძღვანელობდა სტუდია "+1"-ს. იყო თბილისის სახელმწიფო თეატრალური ინსტიტუტის სრული პროფესორი. მიღებული აქვს კემბრიჯისა და ვაშინგტონის საერთაშორისო კატალოგების საპატიო ორდენი; რესპუბლიკური, საკავშირო და საერთაშორისო ფესტივალების პრიზები. 2019 წლის თებერვალში კინო თეატრ "რუსთაველის" წინ გაიხსნა მისი სახელობის ვარსკვლავი.

წყარო: ეროვნული ფილმოგრაფია: geocinema.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.236

• კემბრიჯის, ვაშინგტონის,მიუნხენის "ლენბახჰაუზის" საერთაშორისო კატალოგების საბჭო, საპატიო წევრი
• რუსეთის კინემატოგრაფისტთა კავშირი, წევრი (1966-)
• საქართველოს კინემატოგრაფისტთა კავშირი, წევრი (1966-2020)
• საქართველოს მხატვართა კავშირი, წევრი (1986-)

• 2006 - შოთა რუსთაველის სახელობის სახელმწიფო პრემია
• 1995 - ღირსების ორდენი
• 1978 - საქართველოს ხელოვნების დამსახურებული მოღვაწე
• 1977 - საქართველოს სახელმწიფო პრემია
• 1976 - საქართველოს კომკავშირის პრემია

• ბიალონი : კინორეჟისურის შესახებ : სახელმძღვ. (ავტორი). - თბილისი, კენტავრი, 2012. - 252გვ.
• რაშის მონოლოგი (ავტორი). - თბილისი, დიოგენე, 2003. - 118გვ.
• ლექსები (ავტორი). - თბილისი, დიოგენე, 2001. - 80გვ.