ეკატერინე გაბაშვილი

დაბადების ადგილი: ქ. გორი.

დაამთავრა ფავრის კერძო პანსიონი თბილისში 1868 წელს.

პირველი ნაწარმოები "გლეხკაცების აზრი სასოფლო შკოლაზედ" გამოაქვეყნა 1870 წელს "დროებაში". ეკატერინე გაბაშვილი ქართული კრიტიკული რეალიზმის თვალსაჩინო წარმომადგენელია; მან ერთ-ერთმა პირველმა შემოიტანა ქართულ ლიტერატურაში პროზის მცირე ჟანრები — პატარა მოთხრობა, ნოველა, მინიატიურა, სურათი; მისი ლიტერატურული შეხედულებები რუსი რევოლუციონერ-დემოკრატების და ქართველი "სამოციანელების", განსაკუთრებით ილია ჭავჭავაძის იდეური ზემოქმედებით ჩამოყალიბდა. ეკ. გაბაშვილს დიდი დამსახურება მიუძღვის ქართული საბავშვო  მწერლობის განვითარებაში. იგი იყო ჟურნალ "ჯეჯილის" გამოცემის ერთ-ერთი  ორგანიზატორი, შემდგომ კი მისი აქტიური თანამშრომელი. მისი საბავშვო მოთხრობები  ყოველთვის საქრესტომათიო მასალა იყო ქართული სახელმძღვანელოებისათვის. მისი ხელშეწყობით დაარსდა ჭრა-კერვის შემსწავლელ ქალთა სკოლა; ღარიბ ბავშვებს უსასყიდლოდ ასწავლიდა წერა-კითხვას, ეხმარებოდა ქალებს დაწყებითი განათლების მიღებაში. საზოგადო მოღვაწე, ქველმოქმედი.

წყარო: საქართველოს ქველმოქმედები XIX საუკუნე: საქართველოში მოღვაწე ქველმოქმედების ირგვლივ შექმნილი კალენდარი: საქართველოს პარლამენტის ეროვნული ბიბლიოთეკა .- თბ.,.-გვ.5

• ქართველ ქალთა საქველმოქმედო საზოგადოება, თავმჯდომარე
• ქართველთა შორის წერა-კითხვის გამავრცელებელი საზოგადოება, გამგეობის წევრი (1882-)

• მაგდანას ლურჯა : მოთხრობები (ავტორი). - თბილისი, საბჭ. საქართველო, 1989. - 159 გვ.
• თინას ლეკური (ავტორი). - თბილისი, ნაკადული, 1980. - 13 გვ.
• რჩეული ნაწერები 2 ტომად (ავტორი). - თბილისი, სახელგამი, 1960
• საბავშვო მოთხრობები (ავტორი). - თბილისი, საბლიტგამი, 1952. - 154 გვ.