სერგო ვარდოსანიძე

დაბადების ადგილი: სოფელი ზოვრეთი, ზესტაფონის რაიონი. 

დაამთავრა სულხან–საბა ორბელიანის სახ. თბილისის სახელმწიფო პედაგოგიური უნივერსიტეტი 1979 წელს.

1979-1990 წლებში მუშაობდა თბილისის კ. დ. უშინსკის სახელობის N1 რესპუბლიკურ ექსპერიმენტულ სკოლაში ისტორიის მასწავლებლად, 1983-1985 წწ. დირექტორის მოადგილედ სასწავლო დარგში; 1988 წლიდან დღემდე თბილისის სასულიერო აკადემიასა და სემინარიაში საქართველოს ისტორიის ლექტორად, 1994 წლიდან საქართველოს ისტორიის კათედრის გამგედ; 1990 წლიდან 1993 წლამდე სულხან-საბა ორბელიანის სახელობის სახელმწიფო პედაგოგიური უნივერსიტეტის საქართველოს ისტორიის კათედრის დოცენტად, 1993-2003 წლებში ამავე უნივერსიტეტის ისტორიის ფაკულტეტის დეკანად და საქართველოს ისტორიის კათედრის პროფესორად; 2003-2004 წლებში სულხან-საბა ორბელიანის სახელობის სახელმწიფო უნივერსიტეტში პრორექტორად სამეცნიერო მუშაობის დარგში; 2005-2007 წლებში კავკასიის უნივერსიტეტის სამართლის სკოლის სრული პროფესორი; 2008 წლიდან "ანდრია პირველწოდებულის სახელობის ქართულ უნივერსიტეტში" მოწვეულ პროფესორად; 2010 წლიდან ჰუმანიტარულ მეცნიერებათა ფაკულტეტის დეკანად, აკადემიური საბჭოს თავმჯდომარედ, რექტორად. 2018 წელს, უწმიდესისა და უნეტარესის სრულიად საქართველოს კათოლიკოს-პატრიარქის ილია II-ის ბრძანებით დაინიშნა საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის მუდმივ რექტორად; 2021 წლის 15 სექტემბერს, პირადი განცხადების საფუძველზე გათავისუფლდა დაკავებული თანამდებობიდან. ისტორიის მეცნიერებათა დოქტორი (2002), თეოლოგიის დოქტორი (2013), პროფესორი.

საკანდიდატო დისერტაციის თემა - გიორგი წერეთელი და XIX საქართველოს ისტორიოგრაფია", დაიცვა 1989 წელს; სადოქტორო დისერტაციის თემა - "საქართველოს მართლმადიდებელი სამოციქულო ეკლესია 1917-1952წწ.", დაიცვა 2002 წელს; სადისერტაციო თემა - "განახლების და რეფორმების ჯგუფის საქმიანობა საქართველოს ეკლესიაში XX საუკუნის 20 -30 იან წლებში", დაიცვა 2013 წელს.

• წმინდა გიორგის ოქროს ორდენი (საქართველოს მართლმადიდებელი ეკლესიის უმაღლესი ჯილდო)

• უწმინდესი და უნეტარესი სრულიად საქართველოს კათალიკოს-პატრიარქი ამბროსი (1922-1927წწ.). - თბილისი, პედაგოგიური უნივერსიტეტი, 2005. - 111გვ.
• სრულიად საქართველოს კათალიკოს-პატრიარქი უწმინდესი და უნეტარესი კალისტრატე (1932 - 1952წ წ.). - თბილისი, სახ. პედ. უნივერსიტეტი, 2004. - 121გვ.
• საქართველოს მართლმადიდებელი ეკლესია 1927-1952 წლებში (ავტორი). - თბილისი, ქრონოგრაფია, 2001. - 214გვ.. - ISBN: 99928-830-9-X
• სრულიად საქართველოს კათალიკოს-პატრიარქი ლეონიდი (1918-1921წწ.) (ავტორი). - თბილისი, 2000. - 46გვ.
• სრულიად საქართველოს კათალიკოს-პატრიარქი უწმინდესი და უნეტარესი ეფრემ II (1960 - 1972 წ წ). - თბილისი, ქრონოგრაფი, 2000. - 28გვ.
• საქართველოს ისტორია : მე-7 კლასის სახელმძღვანელო სომხური სკოლებისათვის. - თბილისი, 2000
• საქართველოს მართლმადიდებელი ეკლესია 1917-1927 წლებში (ავტორი). - თბილისი, ქრონოგრაფი, 2000. - 152გვ.
• ისტორიის სწავლების მეთოდიკა : ლექციების კურსი (ავტორი). - თბილისი, სახ.უნივერსიტეტი, 1999. - 299გვ.
• საქართველოს ისტორია : ტესტები პედაგოგთა ატესტაციისათვის. - თბილისი, 1997
• კირიონ II : უწმინდესი და უნეტარესი სრულიად საქართველოს კათალიკოს-პატრიარქი (1917-1918) (ავტორი). - ოზურგეთი, 1993. - 32გვ.
• საქართველოს ისტორიის პროგრამა საბუნებისმეტყველო და ფიზიკა - მათემატიკის პროფილის IX - X კლასებისათვის : სახელმძღვანელო. - 1990
• საქართველოს ისტორიის პროგრამა ჰუმანიტარული პროფილის IX - X კლასებისთვის : სახელმძღვანელო. - 1990
• საქართველოს ისტორია : მე-7 კლასის სახელმძღვანელო